சைக்கிள் போட்டி: தங்கம் வென்றார் ஹாலந்து வீராங்கனை

சிட்னி:

சைக்கிள் போட்டியில் 119.7 கிலோமீட்டர் பிரிவில் ஹாலந்து வீராங்கனை லியோன்டியன்ஸிஜ்லார்டு தங்கப் பதக்கம் வென்றார்.

செவ்வாய்க்கிழமை நடந்த இப்போட்டியில் அவர் பந்தைய தூரத்தை 3 மணி 06.31நிமிடங்களில் கடந்து தங்கம் வென்றார்.

இது சிட்னி ஒலிம்பிக்கில் சைக்கிள் போட்டியில் ஹாலந்துக்குக் கிடைத்த இரண்டாவதுதங்கப் பதக்கம் என்பதும் முதல் தங்கப் பதக்கத்தையும் ஸிஜ்லார்டே வென்றார் என்பதும்குறிப்பிடத்தக்கது.

ஸிஜ்லார்டு பெண்களுக்கான பர்சியூட் பிரிவில் தங்கமும், பாயின்ட்ஸ் பிரிவில் வெள்ளியும்வென்றார்.

119.7 கிலோமீட்டர் போட்டி பலத்த மழைக்கு நடுவே நடைபெற்றது. போட்டியில் கலந்துகொண்ட அனைவரும் மழையில் நனைந்து கொண்டே சைக்கிள் ஓட்டிச் சென்றனர்.

இப் போட்டியில் ஜெர்மனியின் ஹான்கா குப்ஃபெர்னாஜெல் வெள்ளிப் பதக்கமும்,லிதுவேனியாவின் டயானா ஸிலியுட் வெண்கலப் பதக்கமும் வென்றனர். நடப்புச்சாம்பியனான பிரான்ஸின் ஜியான்னி லோங்கோ 4-வதாக வந்தார்.