குத்துச்சண்டை: கியூபாவுக்கு 4 தங்கப் பதக்கங்கள்
சிட்னி:
குத்துச்சண்டைப் போட்டியில் கியூபாவுக்கு 4 தங்கப் பதக்கங்கள் கிடைத்தன.
48 கிலோ, 54 கிலோ, 60 கிலோ, 67 கிலோ, 75 கிலோ மற்றும் 91 கிலோ எடைப்பிரிவுகளில் இறுதிப் போட்டிகள் சனிக்கிழமை நடைபெற்றன.
இதில் 54, 75, 91 கிலோ எடைப் பிரிவுகளில் கியூபாவுக்கும், ரஷ்யாவுக்கும் நேரடி மோதல்ஏற்பட்டது.
சனிக்கிழமை நடைபெற்ற அனைத்து போட்டிகளிலும் புள்ளிகள் கணக்கில் வெற்றி தோல்விநிர்ணயிக்கப்பட்டது.
48 கிலோ எடைப் பிரிவில் பிரான்ஸின் பிரஹிம் அஸ்லோம், ஸ்பெயினின் ரஃபேயல் லோஸானோமுனோஸைத் தோற்கடித்து தங்கப் பதக்கம் வென்றார்.
54கிலோ எடைப் பிரிவில் ரஷ்யாவின் ரெய்ம்கோல் மாலக்பெகோவை கியூபா வீரர் கில்லெர்மோரிஜோன்டாக்ஸ் ஆர்டிஸ் தோற்கடித்து தங்கம் வென்றார்.
60 கிலோ எடைப் பிரிவில் கியூபாவின் மரியோ கின்டெலான், உக்ரைனின் ஆன்ட்ரி கோடெல்னிக்கைத்தோற்கடித்துத் தங்கப் பதக்கம் வென்றார்.
67 கிலோ எடைப் பிரிவில் ரஷ்யாவின் ஒலெக் செய்டோவ், உக்ரைனின் செர்ஜி டோட்சென்கோவைத்தோற்கடித்து தங்கப் பதக்கத்தைக் கைப்பற்றினார்.
75 கிலோ எடைப் பிரிவில் கியூபாவின் ஜார்ஜ் குடிரெஸ், ரஷ்யாவின் கெய்டார்பெக்கெய்டார்பெக்கோவைத் தோற்கடித்து தங்கப் பதக்கத்தை வென்றார்.
91 கிலோ எடைப் பிரிவில் ரஷ்யாவின் சுல்தான் அகமத் இப்ஸகிமோவை கியூபா வீரர் பெலிஸ்சவோன் தோற்கடித்து தங்கப் பதக்கத்தைத் தட்டிச் சென்றார்.