குத்துச்சண்டை: 67 கிலோ எடைப் பிரிவில் தங்கத்தைத் தக்க வைத்து ரஷ்ய வீரர் சாதனை

சிட்னி:

குத்துச்சண்டைப் போட்டியில் ஆண்களுக்கான 67 கிலோ வெல்டர்வெயிட் பிரிவில்ரஷ்யாவின் ஒலெக் செய்டோவ் தங்கப் பதக்கத்தைத் தக்க வைத்துக் கொண்டார்.

சனிக்கிழமை நடந்த இறுதிப் போட்டியில் அவர் உக்ரைன் நாட்டின் செர்ஜிடோட்டென்கோவை 24-16 என்ற புள்ளிகள் கணக்கில் தோற்கடித்து தங்கம் வென்றார்.

இதே பிரிவில் 1996, அட்லாண்டா ஒலிம்பிக்கிலும் ரஷ்ய வீரர் செய்டோவ் தங்கப்பதக்கம் வென்றார் என்பது குறிப்பிடத்தக்கது. இப்போது சிட்னி ஒலிம்பிக்கிலும்தங்கம் வென்று, வெல்டர்வெயிட் பிரிவில் தொடர்ந்து இரண்டாவது முறையாக தங்கப்பதக்கம் வென்ற முதல் வீரர் என்ற சாதனையை அவர் படைத்தார்.

அரையிறுதியில் தோற்ற ருமேனியாவின் டோரெல் சிமியோன் மற்றும்மால்டோவியாவின் விடாலி குரிசாக் இருவரும் வெண்கலப் பதக்கம் வென்றனர்.