அதலெடிக்ஸ்: 4 x 100
சிட்னி:
அதலெடிக்ஸ் போட்டியில் 4 x 100மீட்டர் தொடர் ஓட்டத்தில் பஹாமாஸ் மற்றும் அமெரிக்க அணிகள்தங்கப் பதக்கங்களை வென்றன.
பெண்கள் பிரிவில் பஹாமாஸ் அணியும், ஆண்கள் பிரிவில் அமெரிக்க அணியும் தங்கம் வென்றன.
இவ் விரு போட்டிகளும் சனிக்கிழமை நடைபெற்றன. பெண்களுக்கான பிரிவில் பஹாமாஸ் அணிபந்தைய தூரத்தை 41.95 விநாடிகளில் ஓடிக் கடந்து தங்கம் வென்றது.
ஜமைக்கா அணி இரண்டாவது இடத்தையும், தங்கம் வெல்லும் எதிர்பார்க்கப்பட்ட அமெரிக்க அணி3-ம் இடத்தையும் பெற்றன.
இதன் மூலம் அமெரிக்காவின் தடகள வீராங்கனை மரியோன் ஜோன்ஸின் 5 தங்கம் வெல்லும் கனவுமேலும் சிதைந்தது. 4 போட்டிகள் முடிந்த நிலையில் அவர் 2 தங்கம், 2 வெண்கலப் பதக்கங்களைவென்றுள்ளார்.
முதன்முறையாக ஒலிம்பிக் போட்டியில் தடகளப் பிரிவில் பஹாமாஸ் அணிக்குத் தங்கப் பதக்கம்கிடைத்துள்ளது குறிப்பிடத்தக்கது.
பஹாமாஸ் அணி வென்றதன் மூலம் 4 x 100 மீட்டர் தொடர் ஓட்டத்தில் அமெரிக்காவின் ஆதிக்கம்தகர்க்கப்பட்டுள்ளது. கடந்த 4 ஒலிம்பிக் போட்டிகளில் இப் பிரிவில் அமெரிக்கா தங்கப் பதக்கம்வென்றது குறிப்பிடத்தக்கது.
ஆண்கள் 4 x 100 மீட்டர் தொடர் ஓட்டத்தில் அமெரிக்க அணி தங்கப் பதக்கம் வென்றது. இந்த அணிபந்தைய தூரத்தை 37.61 விநாடிகளில் ஓடிக் கடந்து தங்கத்தைக் கைப்பற்றியது.
ஒலிம்பிக் போட்டிகளில் இப் பிரிவில் 15-வது முறையாக அமெரிக்கா வெற்றி பெற்றுள்ளதுகுறிப்பிடத்தக்கது. ஒரே ஒரு முறை கியூபாவிடம் தோற்றுள்ளது.
இப் பிரிவில் பிரேஸில் வெள்ளிப் பதக்கத்தையும், கியூபா வெண்கலப் பதக்கத்தையும் கைப்பற்றின.