H-1B
வாஷிங்டன்:
அமெரிக்க நாடாளுமன்றத்தால் ஏற்கப்பட்ட எச்1-பி விசா அதிபரின் ஒப்புதலுக்காக அனுப்பப்பட்டுள்ளது.
அமெரிக்க அதிபர் இந்த மசோதாவில் விரைவில் கையெழுத்திடுவார் என வெள்ளை மாளிகை அதிகாரி ஒருவர் தெரிவித்தார்.
இந்த விசா சம்பந்தமான மசோதா செவ்வாய்க்கிழமையன்று செனேட்டில் 96 ஆதரவுடன் வெற்றி பெற்றது. எதிராக ஒருவர் மட்டும் வாக்களித்தார். இது குரல் வாக்கெடுப்பு மூலமும் வெற்றி பெற்றது,
பிப்ரவரி மாதம் அனுமதிக்கப்பட்ட எச்-1பி விசாவுக்கு மனு செய்தவர்களில் 43 சதவிகிதம் பேர் இந்தியர்கள். சீன நாட்டைச் சேர்ந்தவர்கள் 9.9 சதவிகிதம் பேர், கனடா நாட்டைச் சேர்ந்தவர்கள் 3.9 சதவிகிதம் பேர், பிரிட்டன் மற்றும் பிலிப்பைன்ஸ் நாடுகளைச் சேர்ந்தவர்கள் தலா 3.2 சதவிகிதம் பேர்.
எச்-1 பி விசா மூலம் அமெரிக்கா வருபவர்களில் 54 சதவீதம் சாப்ட்வேர் நிபுணர்கள் தான். இதுவரை எச்-1பி விசா பெற்றவர்களில் 56 சதவிகிதம் பேர் இளநிலை பட்டம் பெற்றவர்கள், 31 சதவிகிதம் பேர் முதுகலை பட்டம் பெற்றவர்கள்.8 சதவிதம் பேர் டாக்டர் பட்டம் பெற்றவர்கள்.
எச்-1 பி விசா சிறப்பான தகுதி பெற்ற அழகுக்கலை நிபுணர்களுக்கும் வழங்கப்படுகிறது.
எச்-1பி விசா திட்டம் 1950-ல் துவங்கியது. 1990-ம் ஆண்டு விரிவுபடுத்தப்பட்டது. செப்டம்பர் 10-ம் தேதி வரை 1,15,000 பேர் எச்-1பி விசா பெற்றிருக்கிறார்கள்.
பழைய சட்டப்படிஅக்டோபர் 1-ம் தேதி முதல் துவங்கும் நிதியாண்டில் 107,500 பேருக்கு எச்-1 பி விசாக்கள் வழங்கப்படும் என்றும், 2002-ன் நிதியாண்டில் 65,000 பேருக்கு மட்டுமே எச்-1பி விசா வழங்கப்படும் எனவும் தெரிவிக்கப்பட்டிருந்தது.
புதிய சட்டப்படி செப்டம்பர் 1-ம் தேதிக்கு முன் 2000-ம் ஆண்டிற்காக பதிவு செய்யப்பட்ட விண்ணப்பங்கள் கணக்கில் எடுத்துக் கொள்ளப்படும். ஏனென்றால் அப்போதுதான் 2001-ம் ஆண்டிற்கு 195,000 பேருக்கு விசா அளிக்க முடியும்.
ஐ.ஏ.என்.எஸ்.
- H1B விசா: இனி 6 ஆண்டுகளுக்குப் பெறலாம்