ஷார்ஜா கிரிக்கெட்: இந்திய அணியில் மாற்றமில்லை

மும்பை:

ஷார்ஜாவில் இம் மாதம் 20-ம் தேதி முதல் 29-ம் தேதி வரை நடைபெற உள்ள ஒருநாள்கிரிக்கெட் போட்டித் தொடருக்கான இந்திய அணி அறிவிக்கப்பட்டுள்ளது.

தற்போது கென்யா தலைநகர் நைரோபியில் நடைபெற்று வரும் ஐ.சி.சி. நாக்-அவுட்கிரிக்கெட் போட்டியில் கலந்து கொண்டுள்ள அணியே ஷார்ஜா கிரிக்கெட்போட்டியிலும் கலந்து கொள்ளும்.

அதில் எந்த மாற்றமும் இல்லை என்று இந்திய கிரிக்கெட் கட்டுப்பாட்டு வாரியச்செயலர் ஜெயவந்த் லேலே திங்கள்கிழமை தெரிவித்தார்.

இந்திய அணிக்கான புதிய பயிற்சியாளர் பெயர் இம் மாத இறுதியில் அறவிக்கப்படும்.தற்போது இந்திய அணியின் பயிற்சியாளராக உள்ள கெய்க்வாட் நவம்பர் மாதம் வரைஅப் பொறுப்பில் இருப்பார்.

புதிய பயிற்சியாளராக ஆஸ்திரேலியாவின் ஜெஃப் மார்ஷ், நியுசிலாந்தின் ஜான் ரைட்ஆகிய இருவரில் ஒருவர் நியமிக்கப்படலாம் என்றார் லேலே.

ஷார்ஜா போட்டியில் இந்தியா தவிர இலங்கை, ஜிம்பாப்வே ஆகிய அணிகளும்கலந்து கொள்கின்றன.

தற்போது ஐ.சி.சி. நாக்-அவுட் கிரிக்கெட் போட்டியில் இந்திய அணி சிறப்பாகவிளையாடி வருகிறது. இதுவரை நடந்த இரு ஆட்டங்களிலும் இந்தியா வெற்றி பெற்றுஅரையிறுதியில் நுழைந்துள்ளது.

கால் இறுதி ஆட்டத்தில் நடப்பு உலக சாம்பியனான ஆஸ்திரேலிய அணியை இந்தியா20 ரன்கள் வித்தியாசத்தில் தோற்கடித்தது என்பது குறிப்பிடத்தக்கது.

ஷார்ஜா போட்டிக்கான இந்திய அணி விவரம்:

சவுரவ் கங்குலி (கேப்டன்), ராகுல் திராவிட் (துணை கேப்டன்), சச்சின் டெண்டுல்கர்,எஸ். ஸ்ரீராம், யுவராஜ் சிங், வினோத் காம்ளி, ராபின் சிங், விஜய் தாஹியா, அஜித்அகர்கர், அனில் கும்ளே, வெங்கடேஷ் பிரசாத். சுனில் ஜோஷி, ஜாகீர் கான், ஹேமங்பதானி.

மேலும், ரஞ்சி கோப்பை சாம்பியனான மும்பை அணிக்கு எதிராக அக்டோபர் 13-ம்தேதி நடைபெறும் ஆட்டத்தில் கலந்து கொள்ளும் இதர இந்திய அணியையும் வாரியம்அறிவித்துள்ளது.

அணியின் கேப்டனாக வி.வி.எஸ். லக்ஷ்மண் நியமிக்கப்பட்டுள்ளார். வேகப் பந்துவீச்சாளர் ஸ்ரீநாத்தும் இந்த அணியில் இடம் பெற்றுள்ளார்.

அணி விவரம்:

வி.வி.எஸ். லக்ஷ்மண், ஜவகல் ஸ்ரீநாத், சடகோபன் ரமேஷ், சிவ் சுந்தர் தாஸ், முகம்மதுகைஃப், ஜேகப் மார்ட்டின், அபிஜித் கலே, வீரேந்திர ஷேவாக், அஜய் ராத்ரா, முரளிகார்த்திக், ஆஷிஷ் நெஹ்ரா, லக்ஷ்மி ரத்தன் சுக்லா, ஷாரான்தீப் சிங், ரிதீந்தர் சிங்சோதி.