லாபம் குவிக்கும் இன்போசிஸ்

டெல்லி:

பெங்களூரில் உள்ள இன்போசிஸ டெக்னாலஜிஸ் சாப்ட்வேர் நிறுவனம் கடந்த ஆண்டை விட 134 சதவீதம்அதிகமாக லாபம் ஈட்டியுள்ளது.

இந்தியாவின் இரண்டாவது மிகப் பெரிய சாப்ட்வேர் நிறுவனம் இது. செப்டம்பர் 30 வரையிலான காலாண்டில்இதன் லாபம் 1.54 பில்லியனாக உயர்ந்துள்ளது. கடந்த ஆண்டு இது 657.1 மில்லியனாக இருந்தது.

இதையடுத்து தனது பங்குதாரர்களுக்கு ஒரு பங்குக்கு ரூ. 2.50 இடைக்கால டிவிடண்ட் வழங்க இந் நிறுவனம்முடிவு செய்துள்ளது.

அமெரிக்க டாலருக்கு எதிரான இந்திய பணத்தின் மதிப்பு சரிந்தது தான் அதிக லாபம் ஈட்டக் காரணம் என இந்நிறுவனம் கூறியுள்ளது. இந்த நிறுவனம் தனது 90 சதவீத சாப்ட்வேரை ஏற்றுமதி செய்கிறது.

இந்த காலாண்டு காலத்தில் 4.41 பில்லியன் ரூபாய் மதிப்புக்கு சாப்ட்வேரை ஏற்றுமதி செய்துள்ளது இன்போசிஸ்.