பா.ஜ.க.வில் நடிகை விஜயசாந்திக்குப் பதவி

சென்னை:

பாரதிய ஜனதாக் கட்சியின் மகளிர் அணி துணைத் தலைவியாக நடிகை விஜயசாந்தி நியமிக்கப்படுகிறார்.

நடிகை விஜயசாந்தி தமிழ், தெலுங்கு திரைப் படங்களில் நடித்து மிகவும் பிரபலமானவர். நடிகையான இவர் அரசியலிலும் ஈடுபட்டு வருகிறார்.

கடந்த தேர்தலில் காங்கிரஸ் தலைவர் சோனியா காந்தி ஆந்திர மாநிலத்தில் போட்டியிடுவதாக இருந்த போது, அவரை எதிர்த்து போட்டியிடவிஜயசாந்தியை பாரதிய ஜனதா கட்சி தேர்ந்தெடுத்திருந்தது.

சோனியா காந்தி ஆந்திராவில் போட்டியிடாததால் இவரும் போட்டியிடவில்லை. ஆனால் பாரதிய ஜனதா கட்சி வேட்பாளர்களை ஆதரித்துஆந்திராவிலும், தமிழகத்திலும் தேர்தல் பிரச்சாரம் செய்தார்.

விஜயசாந்திக்கு இப்போது பாரதிய ஜனதா கட்சியில் முக்கியத்துவம் கொடுக்கப்பட்டுள்ளது. பாரதிய ஜனதா கட்சியின் அகில இந்திய மகளிர் அணி துணைத்தலைவியாக அவர் நியமிக்கப்படுகிறார்.