டயானாவின் மாளிகையில் திருமணம் செய்ய விரும்பிய மடோனா

லண்டன்:

ஸ்காட்லாந்தில் கை ரிட்சி என்பவரை அடுத்த வாரம் திருமணம் செய்யவுள்ள உலகப் புகழ் பெற்ற பாப் இசைப் பாடகி மடோனா, இங்கிலாந்து இளவரசிடயானா வாழ்ந்த இடத்தில் தனது திருமணத்தைக் கொண்டாடத் திட்டமிட்டிருந்ததாகத் தெரிய வந்துள்ளது.

இங்கிலாந்தின் தெற்குப் பகுதியில் உள்ள நார்த்தாம்டோன்ஷைர் பகுதியில் உள்ள ஆல்த்ட்ரோப் மாளிகையில் தான் இளவரசி டயானா வாழ்ந்து வந்தார். இங்குதான் தன் இளம்பிராயத்தையும், இறுதி நாட்களையும் கழித்தார் டயானா.

இந்த வீட்டில் தனது திருமணத்தைக் நடத்த நினைத்தார் மடோனா. இதற்காக டயானாவின் சகோதரர் எரால் ஸ்பென்சருக்குக் கடிதம் எழுதினார்.

ஆனால், டயானாவின் சகோதரர் ஸ்பென்சரோ, இதற்கு அனுமதி கொடுக்கவில்லை. அவர் கூறுகையில் இதுகுறித்து பத்திரிக்கைகளில் செய்திகள்வெளியாகும். அதனால் வீண் பிரச்சனை ஏற்படும் என்றார்.

இளவரசி டயானா இங்கிலாந்து இளவரசர் சார்லசின் மனைவி. இவர் 1997 ம் வருடம் கார் விபத்தில் இறந்தார். தான் வளர்ந்த இடமான அல்ட்ரோப்தீவுகளுக்கு அவர் தனது காதலருடன் சுற்றுப்பயணம் மேற்கொண்ட போது இச்சம்பவம் நடந்தது என்பது குறிப்பிடத்தக்கது.

மடோனா திருமணம்:

மடோனாவும், கை ரிட்சியும் வரும் டிசம்பர் 22 ம் தேதி ஸ்காட்லாந்தில் திருமணம் செய்யவுள்ளனர். அங்குள்ள ஸ்கிபோ காஸ்டிலில் மிக ஆடம்பரமானவிருந்துக்கு ஏற்பாடு செய்யப்பட்டுள்ளது.

நூற்றுக்கும் மேற்பட்ட பத்திரிக்கைக்காரர்கள், புகைப்படக்காரர்கள், வீடியோ காமிராமேன்கள் இந்த திருமணத்தை காணவும், நிகழ்ச்சியைசெய்தியாக்கவும் வருகை தருவார்கள் என்று எதிர்பார்க்கப்படுகிறது.