இறுதிச் சுற்றில் ஆஸ்திரேலியா-வெஸ்ட் இண்டீஸ்

பெர்த் (ஆஸ்திரேலியா):

மூன்று நாடுகளுக்கிடையேயான ஒரு தின கிரிக்கெட் போட்டித் தொடரின் இறுதிப் போட்டியில் வெஸ்ட் இண்டீஸ், ஆஸ்திரேலியாவைச் சந்திக்கிறது.

வெள்ளிக்கிழமை நடைபெற்ற ஜிம்பாப்வேக்கு எதிரான லீக் போட்டியில் 44 ரன்கள் வித்தியாசத்தில் வெஸ்ட் இண்டீஸ் வெற்றி பெற்றது.

வெஸ்ட் இண்டீஸ் எடுத்த 178 ரன்களில் ஆட்டமிழக்காமல் லாரா எடுத்த 83 ரன்களும் அடங்கும்.

பின்னர் ஆடிய ஜிம்பாப்வே 134 ரன்களுக்கு அனைத்து விக்கெட்டுகளையும் இழந்து தோல்வியடைந்தது.

மூன்று போட்டிகளைக் கொண்ட இறுதிச் சுற்று புதன்கிழமை தொடங்குகிறது.

லீக் சுற்றின் கடைசி போட்டி ஆஸ்திரேலியா, ஜிம்பாப்வே இடையே ஞாயிறன்று நடைபெற உள்ளது.