• search

ரூ.1கோடியில் மருத்துவ மூலிகை வளர்ப்பு

Posted By:
FOLLOW ONEINDIA TAMIL ON
For Quick Alerts
ALLOW NOTIFICATIONS
For Daily Alerts

    கேள்வி - பதில்

    கே: இப்பவும் நீங்கள் கை காட்டும் நபர்தான் தமிழகத்தின் அடுத்த முதல்வராக வருவார் - என்று எங்கள்ஊர் பெரியவர் ஒருவர் சொல்கிறாரே ...?

    ப: பெரியவரின் வார்த்தை, பொய்த்துப் போகாமல் இருக்க என்ன செய்வது . பேசாமல், மிட்டாய்க்காரர் ஈஓட்டுவது போல, நாலாபுறமும் கையை வீச வேண்டியதுதான்.

    யார் முதல்வராக வந்தாலும், நான் கை காட்டியதவர்தான் வந்தார், என்று கூறி விடலாம், வேறு வழியில்லை.

    கே: சமீபத்திய கருணாநிதி - ராமதாஸ் சந்திப்புக் கூட பரபரப்பாக பேசப்பட்டதே! இச் சந்திப்பு,கூட்டணிக்கு வலு சேர்க்குமா?

    ப: நல்லவனுக்கு அழகு - சொல்லாமல் போவது, ராமதாஸ் சொல்லியிருக்கிறார் போலிருக்கிறது.

    கே: தமிழகத்தைச் சேர்ந்த சின்னப்பிள்ளை என்கிற கிராமத்து பெண்மணிக்கு, ஜீஜாபாய் விருதுவழங்கி,அவரின் சேவைக்காக அவர் காலைத் தொட்டு வணங்கிய பிரதமரின் செயல் பற்றி ...?

    ப: பிரதமரின் நல்ல உள்ளத்தைக் காட்டுகிற ஒரு நிகழ்ச்சியாகவே இதை நான் கருதுகிறேன்.

    கே: சட்டசபை தேர்தலுக்கு எல்லா அரசியல்வாதிகளும் தயாராகி விட்டார்கள். இனி நாம் (மக்கள்)என்ன செய்ய வேண்டும்?

    ப: இந்த முறை யாரிடம் ஏமாறுவது - என்பதைப் பற்றி தீவிரமாக யோசிக்கத் தொடங்க வேண்டும்.

    கே: கூட்டணிகள் முடிவாகாத நிலையில், தி.மு.க. தான் மீண்டும் ஆட்சிக்கு வரும் என்று இந்தியா டுடேகணித்திருப்பது சரியா ...?

    ப: சில மாதங்களுக்கு முன், துக்ளக் நிருபர்கள் பல தொகுதிகளைச் சுற்றிப்பார்த்து, மக்களைச் சந்தித்து. தெரிவித்தகருத்தும் இதுதான். இப்போதும் இது சரியாக இருந்தாலும் இருக்கலாம். ஆனால், போகப்போக, தேர்தலுக்குள்,என்ன நிலை தோன்றுகிறது என்று பார்க்க வேண்டும்.

    கே: அரியலூரில் அண்மையில் நெடுஞ்சாலைத் துறை அமைச்சரிடம் கொடுத்த மனு, அமைச்சர் கலந்துகொண்ட விழா நடந்த இடத்தின் அருகில் இருந்த குப்பைத் தொட்டியில் கிடந்ததாக, அரியலூர்பேரூராட்சித் தலைவர் செய்தியாளர்களிடம் தெரிவித்த செய்தி, அதிர்ச்சியளிப்பதாக இல்லையா?

    ப: மாநிலத்தில் குப்பைச் தொட்டி இருப்பது - அதிர்ச்சி தரும் செய்தியா என்ன? நான் அப்படி நினைக்கவில்லை.

    கே: தீவிரவாதிகளுக்கு ஆதரவு என்று ஒரு விஷயத்தைத் தவிர்த்த விட்டுப் பார்த்தால், தி.மு.க. ஆட்சிஎப்படி...?

    ப: தீவிரவாத ஆதரவைத் தவிர்த்து விட்டு, மற்றபடி பார்த்தால், முந்தைய, அ.இ.அ.தி.மு.க. ஆட்சியை விட இதுமேல் - என்பதுதான் என் கருத்து.

    ஆனால், உங்கள் வீட்டில் ஒரு சமையல்காரனை வேலைக்கு வைக்கிறீர்கள்: வீட்டுக்கு நெருப்பு வைத்து பொசுக்கிவிட திட்டமிடுகிற ஒரு கும்பலை அவன் ஆதரித்து, வீட்டிற்குள் அனுமதிக்கிறான்: அப்போது, இந்த ஒரு செயலைத்தவிர்த்துப் பார்த்து - அவன் சமையல் தேவலை - என்று தீர்மானித்து, அவனை மேலே வேலையில் தொடர்ந்துவைப்பீர்களா? அல்லது வேறு யாரை வைப்பது என்று யோசிப்பீர்களா?

    கே: வழுக்கைத் தலை உடையவர்கள் அறிவாளிகள் என்று கூறுவது உண்மையா?

    ப: நீங்கள் பார்க்கிற ஒரு மனிதனை வைத்துக் கொண்டு எல்லோரையும் அப்படி கூறி விட முடியாது.

    கே: பிரதமர் வாஜ்பாய், தேசிய ஜனநாயகக் கூட்டணியின் கொள்கைகளை அதிகம் பின்பற்றுகிறாரா?பாரதிய ஜனதாவின் கொள்கைகளை அதிகம் பின்பற்றுகிறாரா?

    ப: பின்பற்றுவது - என்றால், அதில் பின்னுவது வேறு, பற்றுவது வேறு. அவர் தனது பேச்சினால் பின்னுவது,பா.ஜ.க. கொள்கைகள்: அவருடைய நிர்வாகம் பற்றுவது தே.ஜ. கொள்கைகள்.

    கே: இந்தியா டுடே நடத்தியுள்ள கருத்துக் கணிப்பில் வாஜ்பாயின் செல்வாக்கு உயர்ந்துள்ள போதிலும்,தேசிய ஜனநாயகக் கூட்டணியின் செல்வாக்கு சரிந்தும், காங்கிரசின் செல்வாக்கு உயர்ந்தும் உள்ளதாகத்தெரிவித்துள்ளதே? இது பற்றி ...?

    ப:ஆளும் கட்சி மீது அதிருப்தி ஏற்படுவது வழக்கம்தான். அந்த அதிருப்தி, கோபமாக மாறாத வரையில் பெரியஆபத்து இருக்காது.

    கே: எந்தக் கட்சியுடனும் சமதா கட்சி இணைப்பு இல்லை என்று ஜார்ஜ் ஃபெர்னாண்டஸ் கூறியுள்ளதுபற்றி ...?

    ப: சபாஷ்! அனைத்துக் கட்சியினருக்கும் இப்படி நன்மை செய்தவர், வேறு எவரும் இல்லை என்று அடித்துச்சொல்லலாம்.

    கே: கட்டி முடித்து விற்பனையாகாமல் தேங்கியிருக்கும் வீட்டு வசதி வாரிய வீடுகளை, விரைவாகவிற்பது தொடர்பான அதிரடி முடிவுகளை தமிழக அரசு எடுத்திருப்பது குறித்து ...?

    ப: சமத்துவபுரங்களைத்தான் முதல்வர் பெரிதும் நம்புகிறாரே? பேசாமல் இந்த குடியிருப்புகளையெல்லாம் சமத்துவபுரங்களாக்கி விடலாமே? வீடுகளை மலிவாகக் கட்டப்பட்டால்தான் சமத்துவபுரமா?

    கே: 2001-ம் ஆண்டை பெண்களுக்கு அதிகாரமளிக்கும் ஆண்டாக அறிவித்துள்ளாரே பிரதமர்வாஜாபாய்? இது குறித்து தங்கள் கருத்து என்ன?

    ப: என்ன இது? புதிய வருடம் நல்லபடியாக அமைய வேண்டுமே என்றுதான் எல்லோரும் நினைப்பார்கள். பிரதமர்ஏன் இப்படி பேசுகிறார்?

    கே: மூன்றாவது அணி சரிப்படவில்லை என்றால், நான்காவது அணி உருவாகுமா?

    ப: அவசியமே இல்லை. மூன்றாவது அணி வந்தால், அதுவே பல தொகுதிகளில், நான்காவதாக வந்து, நான்காவதுஅணி என்ற புகழைப் பெறும்.

    வரன் தேடுகிறீர்களா? தமிழ் மேட்ரிமோனியில் பதிவு இலவசம்!

    நாள் முழுவதும் oneindia
    செய்திகளை உடனுக்குடன் பெற

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more