இந்திய-ஆஸி. டெஸ்ட்: ஆரம்பமே இப்படியா...

மும்பை:

இந்திய-ஆஸ்திரேலியா இடையே முதல் டெஸ்ட் தொடங்கியது. கடந்த 1999ம் ஆண்டில் ஆஸ்திரேலியாவில் ஆடிய (கொடுமையான) ஆட்டத்தை கண்முன்னேமீண்டும் கொண்டுவந்தனர் இந்திய அணியினர்.

பேட்டிங்கிற்கு சாதகமான மும்பை வாங்டே ஸ்டேடியத்தில் டாஸில் ஜெயித்த ஆஸ்திரேலியா, இந்திய அணியின் திறமையை முன்னரே அறிந்தது போல்,இந்தியாவை பேட்டிங் செய்ய அழைத்தது. இந்தியாவின் துவக்க ஜோடியான ரமேஷ்-தாஸ் ஆரம்பித்து வைத்த சரிவு கடைசியில் 176 ரன்களில் 10விக்கெட்டுகளையும் இழந்ததோடு முடிவுக்கு வந்தது.

சச்சின் டெண்டுல்கர் அடித்த 76 ரன்களைத் தவிர மோங்கியா ஆட்டமிழக்காமல் எடுத்த 26 ரன்கள் தான் அதிகம். மற்றவர்கள் சொற்ப ரன்களில்ஆட்டமிழந்தனர்.

கடந்த முறை இந்திய பயணத்தின் போது (தனது பந்தை நாலா பக்கமும் சிதறடித்த டெண்டுல்கரிடம் ஆட்டோ கிராப் பெறுமளவிற்கு)வெறுப்பேற்றப்பட்டஷான் வார்னே, இந்த முறை முதல் போட்டியிலேயே 4 விக்கெட்டுகளை எடுத்துவிட்டார். மெக்ராத் 3 விக்கெட்டுகளும், ஜில்லெஸ்பி 2விக்கெட்டுகளையும் , பிளம்மிங் 1 விக்கெட்டும் எடுத்தனர்.

தனது முதல் இன்னிங்ஸை தொடர்ந்து ஆடிய ஆஸ்திரேலியா முதல் நாள் ஆட்ட முடிவில் மைக்கேல் ஸ்லாட்டரின் விக்கெட்டை மட்டும் இழந்து 49 ரன்களைஎடுத்திருந்தது. டெஸ்ட் போட்டியின் போக்கு நாளைய ஆட்டத்தின் முடிவில் தெரிய வரும்.