பிரச்சார பீரங்கிகள் ரெடி

சென்னை:

கட்சியின் சார்பில் போட்டியிட சீட் கேட்டு கட்சி உறுப்பினர்கள் காத்திருப்பர்.

அது போல் கட்சிக்காக தேர்தல் பிரச்சாரம் செய்ய காத்திருக்கின்றனர் கழக பேச்சாளர்கள். கடந்த தேர்தலின் போது 40 நாட்கள் நிகழ்ச்சி நிரலோடு40 ஆயிரம் ரூபாயும் அளித்தது அதிமுக.

இதனால் அக்கட்சியின் நூறுக்கும் மேற்பட்ட பேச்சாளர்கள் (பிரச்சார பீரங்கிகள்) சந்தோசமாக இருந்தனர். அதே வருமானம் இந்த தேர்தலுக்கும்கிடைக்குமா என காத்து இருக்கிறார்கள் அவர்கள்.

அதிமுகவில் காளிமுத்து போன்ற பெரிய பேச்சாளர்களுக்கு எப்போதும் நிகழ்ச்சிகள் இருந்து கொண்டு இருக்கும். ஆனால், மற்ற பீரங்கிகளுக்கு தேர்தல்நேரம் தவிர மற்ற நேரங்களில் வெடி போட வேண்டிய வேலை இருக்காது.

அதிமுக மட்டும் அல்ல அனைத்து திராவிட கட்சிகளிலும் இது போன்ற பீரங்கிகள் உண்டு. இந்த பீரங்கிகள் கட்சியின் கொள்கைகளை விளக்குவதை விடஎதிர்க்கட்சியினரை திட்டுவதில் பரம திருப்தி அடைவர்.

தாங்கள் சேர்ந்த கட்சியின் கூட்டணியில் இருந்து வெளியேறியவர்களை திட்டுவர். அவர்கள் மீண்டும் வந்தால் அவர்களை வரவேற்கவும் செய்வர். தலைமைசொல்வதை இந்த பீரங்கிகள் லோக்கல் மொழியில் எடுத்துச் சொல்வர்.