சமத்துவபுரம் வேண்டுமா? சசிகலாபுரம் வேண்டுமா?
சென்னை:
ஜீன்ஸ் பட பாடல் பாணியில் வித்தியாசமான பாடலைப் பாடி நடிகர் நெப்போலியன் சென்னையில் தேர்தல்பிரசாரம் செய்தார்.
நடிகர் நெப்போலியன் சென்னை வில்லிவாக்கம் தொகுதியில் திமுக வேட்பாளராக போட்டியிடுகிறார். அவருக்குஆதரவாக தமிழ் மாநில காங்கிரஸ் ஜனநாயக பேரவைத் தலைவர் ப.சிதம்பரம் புதன்கிழமை மாலை வில்லிவாக்கம்தொகுதிக்கு உட்பட்ட அம்பத்தூரில் நடந்த பிரசாரக் கூட்டத்தில் பேசினார்.
இந்தக் கூட்டத்தில் நெப்போலியன் குறைவாகப் பேசினார், ஒரு பாட்டும் பாடி பிரசாரம் செய்தார்.
அதிசயங்களே வியந்து போகும் அதிசயம் எங்கள் கலைஞர் கருணாநிதி. குறைவில்லாமல் ஆட்சி நடத்துவதுஅதிசயம்தானே? என்று கூறிய நெப்போலியன் பிறகு பாட்டுக்கு மாறினார்.
நெப்போலியன் பாடிய பாட்டுகள்:
ஜீன்ஸ் ஸ்டைல் ... வைகோ தோன்றி
ஜெயலலிதா தோன்றி
சசிகலா தோன்றும் முன்
உண்டான கலைஞர் அதிசயம்
77 வயதிலும் எல்லோருக்கும்
மாபெரும் கலைஞர்
அதிசயங்களே அசந்து போகும் அதிசயம்
சீவலப்பேரி பாண்டி ஸ்டைல் ... கிழக்கு சிவக்கையிலே
சூரியன் உதிக்கையிலே
கலைஞர் ஆட்சியிலே
நான் பழசை நினைக்கியிலே
பகலாய் விடிந்து விட்டது.
உங்களுக்கு கலைஞரின்
சமத்துவபுரம் வேண்டுமா?
ஜெயலலிதாவின் சசிகலாபுரம் வேண்டுமா?
கலைஞரின் உழவர் சந்தை வேண்டுமா?
ஜெயலலிதாவின் ஊழல் சந்தை வேண்டுமா?
அண்ணா மறுமலர்ச்சித் திட்டம் வேண்டுமா?
அம்மாவின் அடாவடித் திட்டம் வேண்டுமா?
சிங்காரச் சென்னையை உருவாக்கும்
தளபதி ஸ்டாலின் வேண்டுமா?
சிங்கப்பூர் பிரஜை தினகரன் வேண்டுமா?
திமுக வேண்டுமா?
அதிமுக வேண்டுமா?
77 வயதான கலைஞர் வேண்டுமா?
53 வயதான செல்வி ஜெயலலிதா வேண்டுமா? என்ற ரீதியில் பாடி வாக்காளர்களை அசத்தினார் நெப்போலியன்.