டி.ராஜேந்தரை எதிர்த்து த.மா.கா வேட்பாளர் விநாயகமூர்த்தி போட்டி
சென்னை:
சட்டசபைத் தேர்தலில் போட்டியிடும் தமிழ் மாநில காங்கிரஸ் கட்சியின் முதல் வேட்பாளர் பட்டியல் புதன்கிழமைஅறிவிக்கப்பட்டது.
அ.தி.மு.க கூட்டணியில் இடம் பெற்றுள்ள த.மா.காவுக்கு 47 இடங்கள் ஒதுக்கப்பட்டுள்ளன. இதில் தமிழ் மாநிலகாங்கிரஸ் கட்சி 32 இடங்களில் போட்டியிடவுள்ளது. அதன் தாய்க்கட்சியான காங்கிரஸ் கட்சி 15 இடங்களில்போட்டியிடுகிறது.
தமிழ் மாநில காங்கிரஸ் கட்சியின் முதல் வேட்பாளர் பட்டியல் புதன்கிழமை வெளியிடப்பட்டது. கட்சி சார்பில்ஞானதேசிகன், சுதர்சன், கோபண்ணா இப்பட்டியலை வெளியிட்டனர்.
முதல் பட்டியல் இடம் பெற்றுள்ள வேட்பாளர்கள் விவரம்:
1. பூங்காநகர் - விநாயகமூர்த்தி.
2. விருதுநகர் - தாமோதரன்.
3. சிவகாசி - ராஜகோபால்.
4. பேராவூரணி - திருஞானசம்பந்தம்.
5. வேலூர் - ஞானசேகரன்.
6. தண்டாரம்பட்டு - மணி வர்மா.
7. மங்களூர் (தனி) - புரட்சிமணி.
8. ரிஷிவந்தியம் - சிவராஜ்.
9. கோவை கிழக்கு - லட்சுமணன்.
10. காரைக்குடி - முன்னாள் எம்.பி. உடையப்பன்.
11. மானாமதுரை (தனி) - பாரமலை.
12. பரமக்குடி - ராமபிரபு.
13. கிள்ளியூர் - டாக்டர் குமாரதாஸ்.
14. நாகர்கோவில் - டாக்டர் மோசஸ்.
15. திருவாடானை- ராமசாமி.
பூங்காநகர் தொகுதியில்தான் தி.மு.க சார்பில் டைரக்டர் டி.ராஜேந்தர் போட்டியிடுகிறார். அவரை எதிர்த்துவிநாயகமூர்த்தி போட்டியிடுகிறார். இவர் த.மா.கா.பொதுச் செயலாளர் ஆவார்.
இவர்களைத் தவிர முக்கியப் புள்ளிகள் அடங்கிய இரண்டாவது பட்டியல் விரைவில் அறிவிக்கப்படும் எனஎதிர்பார்க்கப்படுகிறது.