For Daily Alerts
Just In
மணிப்பூர்: நம்பிக்கை வாக்கெடுப்பில் கொய்ஜம் அரசு தோல்வி
இம்பால்:
மணிப்பூரில் முதல்வர் கொய்ஜம் அரசு நம்பிக்கை வாக்கெடுப்பில் தோல்வியடைந்தது.
சமதா கட்சிக்கு ஆதரவு அளித்து வந்த பாஜக எம்.எல்.ஏ.க்கள் சிலர் அவருக்கு எதிராக வாக்களித்தனர்.
இதையடுத்து நம்பிக்கை வாக்கெடுப்பில் கொய்ஜம் தலைமையிலான சமதா கட்சி தோல்வியைத் தழுவியது.
இந்நிலையில் மத்தியில் தேசிய ஜனநாய ஜனநாயகக் கூட்டணிக்கு அளித்து வந்த ஆதரவை சமதா கட்சி வாபஸ் பெற்றுக் கொள்ளும் என்று தெரிகிறது. இதற்காக தே.ஜ.கூட்டணிக்கு மாலை 5 மணி வரை சமதா கட்சி கெடு விதித்துள்ளது.
முன்னதாக மணிப்பூர் சட்டசபையில் முதல்வர் ராதாபினோத் கொய்ஜம் திங்கள்கிழமை நம்பிக்கை வாக்கெடுப்பு கோரினார். 17 உறுப்பினர்கள் கொய்ஜம் அரசுக்கு ஆதரவாக வாக்களித்தனர். 39 உறுப்பினர்கள் நம்பிக்கை வாக்கெடுப்புக்கு எதிராக வாக்களித்தனர் என்று சபாநாயகர் சாபம் தனஞ்சய் தெரிவித்தார்.
யு.என்.ஐ.
Comments
Story first published: Monday, May 21, 2001, 5:30 [IST]