த.மா.கா. எம்.எல்.ஏக்கள் கூடுகிறார்கள்

சென்னை:

தமிழக சட்டசபைத் தேர்தலில் வெற்றி பெற்ற தமிழ் மாநில காங்கிரஸ் எம்.எல்.ஏக்கள் கூட்டம் சத்தியமூர்த்திபவனில் செவ்வாய்க்கிழமை மாலை நடக்கிறது.

தமிழக சட்டசபைத் தேர்தலில் தமிழ் மாநில காங்கிரஸ் கட்சி 23 தொகுதிகளில் வெற்றி பெற்றது. சட்டசபைக் கட்சித்தலைவரை தேர்ந்தெடுப்பதற்காக இந்த எம்.எல்.ஏக்களின் கூட்டம் சத்தியமூர்த்தி பவனில் செவ்வாய்க்கிழமைமாலை 5 மணிக்கு நடக்கிறது.

கூட்டத்திற்கு கட்சித் தலைவர் மூப்பனார் தலைமை தாங்குகிறார். இக்கூட்டத்தில் சட்டசபை கட்சித் தலைவராகஎஸ்.ஆர்.பாலசுப்ரமணியம், சோ.பாலகிருஷ்ணன் துணைத் தலைவராகவும் தேர்ந்தெடுக்கப்படுவர் என்றுதெரிகிறது.

கொறடாவாக வி.கே.லட்சுமணன், செயலாளராக வேலூர் ஞானசேகரன் ஆகியோர் தேர்வு செய்யப்படக் கூடியவாய்ப்புகள் உள்ளதாக தமாகா வட்டாரத்தில் தெரிவிக்கப்பட்டது.