கருணாநிதியிடம் வாழ்த்து பெற்ற பா.ஜ.க. எம்.எல்.ஏக்கள்

சென்னை:

பாரதீய ஜனதாக் கட்சி எம்.எல்.ஏக்கள் நான்கு பேரும் செவ்வாய்க்கிழமை தி.மு.க தலைவர் கருணாநிதியைச்சந்தித்து வாழ்த்து பெற்றனர்.

தி.மு.க. கூட்டணியில் இடம் பெற்றுள்ள பாரதீய ஜனதாக் கட்சி சமீபத்திய சட்டசபைத் தேர்தலில் 4 தொகுதிகளில்வெற்றி பெற்றது. கடந்த முறை 1 தொகுதியில் மட்டுமே வெற்றி பெற்றிருந்த பாரதீய ஜனதாவுக்கு இது மிகப்பெரிய வெற்றியாகும்.

இந்த நிலையில், 12வது சட்டசபையின் முதலாவது கூட்டத் தொடர் செவ்வாய்க்கிழமை தொடங்கியது. இந்தக்கூட்டத்தில் கலந்து கொள்வதற்கு முன்பு பாரதீய ஜனதாக் கட்சி எம்.எல்.ஏக்கள் நான்கு பேரும் தி.மு.க தலைவர்கருணாநிதியைச் சந்தித்து வாழ்த்து பெற்றனர்.

எம்.எல்.ஏக்களுடன் மாநில பா.ஜ.க. தலைவர் கிருபாநிதி, பொதுச் செயலாளர் இல.கணேசன் உள்ளிட்ட நிர்வாகிகள்உடன் சென்றிருந்தனர்.