இந்திரா காந்தி பல்கலை. புதிய வெப்சைட் முகவரி

டெல்லி:

மாணவர்களுக்கு மிகவும் பயனளிக்கும் விதத்தில் தனது வெப்சைட் முகவரியை மாற்றியுள்ளதாக இந்திரா காந்திதிறந்த வெளி பல்கலைக்கழகம் அறிவித்துள்ளது.

இதுகுறித்து இந்திரா காந்தி திறந்தவெளி பல்கலைக்கழகம் வெளியிட்டுள்ள செய்திகுறிப்பு:

இந்திரா காந்தி திறந்த வெளி பல்கலைக்கழகம் தனது வெப்சைட் முகவரியை மாணவ, மாணவியருக்குப்பயனளிக்கும் வகையில் மாற்றியுள்ளது.

அதாவது www. ignou.org என்ற பழைய முகவரியிலிருந்து www.ignou.ac.in என்று மாற்றப்பட்டுள்ளது.

இந்த முகவரியைப் பயன்படுத்தி வெப்சைட்டுக்குள் நுழையும் மாணவர்கள் சில நொடிகளிலேயே படிக்கவேண்டிய பாடங்கள், தேர்வு விவரங்கள், கால அட்டவணைகள், தேர்வு முடிவுகள் மற்றும் பல விவரங்களைப்பெற்றுக் கொள்ளலாம்.

வெப்சைட்டில் சேர்க்க வேண்டிய, விவரங்கள், கருத்துக்களையும் மாணவர்கள் கூறலாம்.

இந்திரா காந்தி திறந்த வெளிப்பல்கலைக்கழக வெப்சைட்டில், பல்கலைக்கழகம் செயல்படும் விதம்,பாடத்திட்டங்கள் உள்பட அனைத்து விவரங்களும் இருக்கும்.

மேலும் மாணவர்கள் சேர்க்கை, தேர்வு விவரங்கள் போன்றவையும் இந்த வெப்சைட்டில் இடம் பெற்றிருக்கும்.

கடந்த வருடங்களில் உள்ள தேர்வு விவரங்கள், மாணவர்களின் மதிப்பெண் பட்டியல் ஆகியவை குறித்தவிவரங்களும் இந்த வெப்சைட்டில் இடம் பெற்றிருக்கும்.

இந்த வருடம் நவம்பர் மாதம் இந்திரா காந்தி திறந்த வெளி பல்கலைக்கழகம் சார்பில் மாநாடு நடத்தவும்திட்டமிடப்பட்டுள்ளது. இந்திரா காந்தி பல்கலைக்கழகத்தின் கீழ் இயங்கும் கல்வி நிறுவனங்கள் மற்றும் 20பள்ளிகளின் விவரங்கள் குறித்தும் இந்த வெப்சைட் மூலம் தெரிந்து கொள்ளலாம்.

நிர்வாகத்துறை படிப்புக்கள், கல்வியியல், சுகாதார அறிவியல், தொழில் நுட்பம், மனித வள மேம்பாடு, சமூகஅறிவியல், கம்யூட்டர், தகவல் அறிவியல் போன்ற பல துறை படிப்புக்கள் குறித்த விவரங்களையும் தெரிந்துகொள்ளலாம் என்று பல்கலைக்கழக செய்திக்குறிப்பில் தெரிவிக்கப்பட்டுள்ளது.

யு.என்.ஐ.