இந்தியா-ஜிம்பாப்வே 2வது டெஸ்ட் இன்று துவக்கம்

ஹராரே: (ஜிம்பாப்வே)

இந்திய - ஜிம்பாப்வே அணிகளுக்கு இடையேயான இரண்டாவது, இறுதி கிரிக்கெட் டெஸ்ட் போட்டிஜிம்பாப்வேயிலுள்ள ஹராரேயில் வெள்ளிக்கிழமை துவங்குகிறது.

இந்திய கிரிக்கெட் அணி தற்போது ஜிம்பாப்வேயில் சுற்றுப்பயணம் மேற்கொண்டு வருகிறது. இந்தியாவும்,ஜிம்பாப்வேயும் 2 டெஸ்ட் போட்டிகளில் விளையாடுகின்றன.

முதல் டெஸ்ட் போட்டியில் இந்தியா 8 விக்கெட் வித்தியாசத்தில் ஜிம்பாப்வேயை வென்றது. 15ஆண்டுகளுக்குப்பின் அயல்நாட்டில் விளையாடி இந்தியா வென்ற முதல் போட்டி இது என்பது குறிப்பிடத்தக்கது.

இந்நிலையில் இரண்டாவது டெஸ்டில் ஆடவிருக்கும் இந்தியா இந்த டெஸ்ட் போட்டியிலும் வென்றால் அயல்நாடுகளில் விளையாடி டெஸ்ட் தொடரை வென்ற புகழையும் பெறும்.

ஆனால் இந்த டெஸ்ட் போட்டியில் வெல்ல வேண்டும் என்ற தீவிர நோக்கத்துடன் ஜிம்பாப்வே களமிறங்குகிறது.இந்த டெஸ்ட் போட்டியை ஜிம்பாப்வே வென்றால் டெஸ்ட் தொடர் 1-1 என்ற கணக்கில் சமனாகி விடும். இருஅணிகளுமே வெற்றி பெறவில்லை என்ற நிலை வரும்.

ஹராரே ஆடுகளம் சுழற்பந்து வீச்சாளர்களுக்கு சாதகமாக அமையும் என்பது குறிப்பிடத்தக்கது. ஆனால் அதேசமயம் அது வேகப்பந்து வீச்சாளர்களுக்கு பாதகமாகவும் அமையாது.

இந்திய தரப்பில் காயம் அடைந்துள்ள துவக்க ஆட்டக்காரரான சடகோபன் ரவேஷுக்கு பதிலாக ஹேமங் பதானிஇடம் பெறக் கூடும் என கூறப்படுகிறது.

அதே போல் ஜிம்பாப்வே அணியில் காயமடைந்த வேகப்பந்து வீச்சாளர் ஓலாங்கோவுக்கு பதிலாக டிராவிஸ்ஃப்ரண்ட்ஸ் களமிறங்குவார் என தெரிகிறது.

இந்த டெஸ்ட் போட்டி குறித்து ஜிம்பாப்வே அணித்தலைவர் ஸ்டிரீக்கும், அணியின் பயிற்சியாளர் கார்ல்ராக்கிமேனும் கூறுகையில், முதல் டெஸ்ட் போட்டியில் நாங்கள் செய்த தவறுகளை அடையாளம் கண்டு கொண்டுஅவற்றை சரி செய்து கொண்டு விட்டோம் என்றனர்.

டெஸ்ட் தொடரை வெல்ல வேண்டும் என இந்தியாவும், டெஸ்ட் தொடரை சமன் செய்ய வேண்டும் எனஜிம்பாப்வேயும் களமிறங்குவதால் இந்த டெஸ்ட் போட்டி சுவாரஸ்யமாக இருக்கும் என எதிர்பார்க்கப்படுகிறது.

ஹராரே ஆடுகளம் இதுவரை ஜிம்பாப்வேக்கு சாதகமாக இருந்து வந்திருக்கிறது. 1992ம் ஆண்டு நடைபெற்றடெஸ்ட் போட்டியை டிரா செய்யவே இந்தியா மிகவும் போராட வேண்டியதிருந்தது.

அதேபோல் 1998ம் ஆண்டு நடந்த ஒரே ஒரு டெஸ்ட் போட்டியிலும் இந்தியா தோல்வியடைந்தது. இதுவரைஜிம்பாப்வே வென்ற 5 டெஸ்ட் போட்டிகளில் 4 டெஸ்ட் போட்டிகள் ஹராரேயில் நடந்ததுதான் என்பதுகுறிப்பிடத்தக்கது.