ஜூலை 9 ல் டெல்லி வருகிறார் முஷாரப்

இஸ்லாமாபாத்:

பாகிஸ்தான் ராணுவ ஆட்சியாளர் பெர்வீஸ் முஷாரப் ஜூலை மாதம் 9 ம் தேதி டெல்லி வருகிறார்.

ஜூலை 9 ம் தேதி டெல்லி வரும் அவர் இந்தியாவில் 3 நாட்கள் சுற்றுப்பயணம் மேற்கொள்கிறார். 11 ம் தேதி வரைஅவர் டெல்லியில் இருப்பார். அவருடன் அவரது மனைவியும் வருகிறார்.

பாகிஸ்தான் வெளியுறவுத்துறை அமைச்சர் அப்துல் சத்தார் மற்றும் உயர் மட்டக் குழுவும் டெல்லி வருகிறது.

காஷ்மீர் உள்பட இரு நாடுகளுக்கும் இடையே உள்ள பல்வேறு பிரச்சனைகள் பற்றி பிரதமர் வாஜ்பாயும்,முஷாரபும் பேச்சுவார்த்தை நடத்துகிறார்கள்.

இந்தியா வரும் முஷாரப் டெல்லியில் உள்ள ஜூம்மா மசூதிக்கு முஷாரப் செல்கிறார். தனது 3 நாட்கள்சுற்றுப்பயணத்தை முடித்துக் கொண்டு அவர் 11 ம் தேதி பிற்பகல் இஸ்லாமாபாத் திரும்புவார் என்றுஎதிர்பார்க்கப்படுகிறது.