பாமக விலகியது தவறான முடிவு: மூப்பனார்

செங்கல்பட்டு:

அதிமுக கூட்டணியில் இருந்து பாமக விலகியது தவறான முடிவு என்று தமாகா தலைவர் மூப்பனார் கூறியுள்ளார்.

செங்கல்பட்டில் அவர் நிருபர்களுக்கு அளித்த பேட்டியில் கூறியதாவது:

அதிமுக கூட்டணியில் இருந்து விலகியதன் மூலம் பாமக தலைவர் டாக்டர் ராமதாஸ் தவறான முடிவை எடுத்துவிட்டார். எங்கள் அணிக்கு அவர் கால தாமதமாகத்தான் வந்தார்.

உள்ளாட்சி தேர்தலில் அதிமுக கூட்டணியுடன் தமாகா தொடர்ந்து நீடிக்கும் என்பதில் சந்தேகம் இல்லை.

தமாகாவின் மாவட்ட நிர்வாகிகள் பட்டியல் ஜூலை 15ம் தேதிக்குள் வெளியிடப்படும் என்றார் மூப்பனார்.