3 நாள் பேச ரூ 7 கோடி செலவு

ஆக்ரா:

இந்திய பிரதமர் வாஜ்பாயும் பாக் அதிபர் முஷாரபும் சந்தித்து பேசிய 3 நாளில் 7 கோடி ரூபாய்செலவிடப்பட்டதாகத் தெரிகிறது.

கடந்த 14ம்தேதி முஷாரபுடன் அவரது மனைவி உட்பட 19 பேர் கொண்ட ஒரு மினி படை வந்திறங்கியது.பேச்சுவார்த்தை சம்பந்தமாக மட்டும்தான் இந்தக் குழு. இதுபோக, 50 பாகிஸ்தான் பத்திரிகையாளர்களும்வந்திருந்தனர்.

ஆக்ராவில் உள்ள 5 நட்சத்திர ஓட்டல் செலவு, செல்லும் வழியில் சாலைகள் செப்பனிட்ட செலவு, பாதுகாப்புஏற்பாடுகளுக்கான செலவு மற்றும் ஸ்பெஷல் ஹெலிகாப்டர் செலவு என செலவு பட்டியல் நீள்கிறது.

ஒரு பெரிய நாட்டிற்கு இந்தச் செலவெல்லாம் சாதாரணம்தான். ஆனால் சிக்கல்தான் நீடித்துக் கொண்டே போகிறது.

என்றுதான் தனியுமோ இந்த 54 ஆண்டுகால அமைதி தாகம்?