கனடாவிலிருந்து வந்த கடத்தல்காரர்கள்
பாஸ்டன்:
விமானங்களைக் கடத்தியாக அடையாளம் காணப்பட்டுள்ள 5 அராபியர்களும் கனடாவிலிருந்துஅமெரிக்காவிற்கு வந்திருக்கலாம் என்று கூறப்படுகிறது.
இவர்களில் 2 பேர் போர்ட்லேண்டிலிருந்து பாஸ்டனுக்கு பறந்து வந்தனர். கடத்தப்பட்டு, நியூயார்க் உலக வர்த்தகமையக் கட்டடத்தை மோதுவதற்கு ஆயுதமாகப் பயன்படுத்தப்பட்ட பாஸ்டன்-லாஸ் ஏஞ்சல்ஸ் விமானத்தில்அவர்களுக்கு டிக்கெட் புக் செய்யப்பட்டிருந்ததாகவும் கூறப்படுகிறது.
பாஸ்டனில் ஒரு வாடகைக் காரை எடுத்துக் கொண்டு விமான நிலையம் வந்துள்ளனர். பின்னர் அந்தக் காரைவிமான நிலையத்திற்கு வெளியே உள்ள பார்க்கிங்கிலேயே அநாதையாக நிறுத்திவிட்டு, உள்ளே சென்றுவிட்டனர்.
அந்தக் காரிலிருந்து கைப்பற்றப்பட்ட, அராபிய மொழியிலிருந்த சில "பிளைட் டிரைனிங்" பத்திரிக்கைகளைவைத்துதான், புலனாய்வு நிறுவனம் விசாரணையை ஆரம்பித்துள்ளது.
துப்பாக்கிகளை எடுத்துக் கொண்டு போனால்தான் எளிதாக மாட்டி விடுவோம் என்பதற்காகவே, அவர்கள்இதுபோன்ற வெடிக்கும் ஆயுதங்களை எதுவும் எடுத்துச் செல்லவில்லை.
வெறும் பாக்ஸ்-கட்டர்கள், பிளாஸ்டிக் கைப்பிடி உள்ள கத்தி போன்ற சிறு ஆயுதங்கள் ஆகியவற்றைக்காட்டித்தான் பயணிகளையும், பைலட்டுகளையும், விமானப் பணியாளர்களையும் மிரட்டியுள்ளனர்.
சில விமானப் பணியாளர்களும் பயணிகளும் கத்திக் குத்து வாங்கியதாகவும் புலனாய்வுத் துறை தெரிவிக்கிறது.