"ஆகாஷ்" சோதனை வெற்றி

சந்திப்பூர்:

தரையிலிருந்து ஆகாயத்தை நோக்கித் தாக்கவல்ல "ஆகாஷ்" ஏவுகணை வெள்ளிக்கிழமை காலை வெற்றிகரமாகப்பரிசோதித்துப் பார்க்கப்பட்டது.

ஆகாயத்தில் ஊடுருவும் எதிரிகளின் விமானங்களை, தன்னிடமுள்ள ராடார்கள் மூலமே கண்டறிந்து, அவற்றைத்தாக்கி அழிக்க வல்ல இந்த ஏவுகணை, 25 கிலோ மீட்டர் தூரத்திற்குச் சென்று தாக்க வல்லது.

சந்திப்பூர் சோதனை மையத்தில், "லக்யா" என்ற ஆளற்ற விமானத்தைத் தாக்கி, இந்தப் பரிசோதனை வெற்றிகரமாகநடத்தப்பட்டது.

அமெரிக்காவின் "பேட்ரியாட்" ஏவுகணைக்கு இணையாகக் கருதப்படும் "ஆகாஷ்", ஒரே நேரத்தில் பலஇலக்குகளைத் துல்லியமாகத் தாக்கும் வல்லமை கொண்டது.