வாஜ்பாயின் அமெரிக்க பயணம் ரத்து

டெல்லி:

இந்த மாத இறுதியில் அமெரிக்காவிற்குச் செல்லவிருந்த பிரதமர் வாஜ்பாயின் பயணத் திட்டம் ரத்துசெய்யப்பட்டுள்ளது.

ஐ.நா. பொதுச் சபையில் வாஜ்பாய் பேசுவதாக இருந்தது. இதைத் தொடர்ந்து, பாகிஸ்தான் ஜனாதிபதி பர்வேஸ்முஷாரப்புடனும் அவர் பேச்சுவார்த்தை நடத்தப் போவதாகக் கூறப்பட்டது.

ஆனால், கடந்த செவ்வாய்க்கிழமை அமெரிக்காவின் நியூயார்க் மற்றும் வாஷிங்டன் ஆகிய நகரங்கள்தாக்குதலுக்குள்ளானதை அடுத்து, அவருடைய அமெரிக்கப் பயணம் கேள்விக் குறியாகவே இருந்து வந்தது.

தற்போது இருக்கும் சூழ்நிலையில், வாஜ்பாய்க்கு அமெரிக்க அரசால் தகுந்த பாதுகாப்பு அளிக்க முடியாத நிலைநிலவுவதால், அவருடைய அமெரிக்கப் பயணம் ரத்து செய்யப்படுவதாக மத்திய அரசு அறிவித்துள்ளது.

இதற்கிடையே, வெள்ளிக்கிழமை மாலை அவர் தொலைக்காட்சி மூலம் நாட்டு மக்களிடம் உரையாற்றுகிறார்.அப்போது, தீவிரவாதத்திற்கு எதிராகப் போராடவுள்ள அமெரிக்கா நிர்வாகத்திற்கு ஆதரவாக வாஜ்பாய் பேசுவார்என்று கூறப்படுகிறது.