இன்று அண்ணா பிறந்தநாள்

சென்னை:

தமிழக முன்னாள் முதல்வர் பேரறிஞர் அண்ணாதுரையின் 93-வது பிறந்த நாள் விழாசனிக்கிழமை தமிழகமெங்கும் விமரிசையாக கொண்டாடப்படுகிறது.

சென்னையில் முதல்வர் ஜெயலலிதா மற்றும் அமைச்சர்கள், அண்ணா சாலையில்அமைந்துள்ள அண்ணா சிலைக்கு மாலை அணிவித்து மரியாதை செலுத்துகின்றனர்.

தாழ்த்தப்பட்ட, ஆதிதிராவிட மாணவியருக்கு இலவச சைக்கிள் வழங்கும்திட்டத்தையும் முதல்வர் ஜெயலலிதா துவக்கி வைக்கிறார். மேலும், காவல்துறைஅதிகாரிகளுக்கு அண்ணா வீரப் பதக்கத்தையும் அவர் வழங்குகிறார்.

தி.மு.க சார்பில் அதன் தலைவர் கருணாநிதி மற்றும் தி.மு.க முன்னாள் அமைச்சர்கள்வள்ளுவர் கோட்டத்தில் அமைந்துள்ள அண்ணா சிலைக்கு மாலை அணிவித்துமரியாதை செலுத்துகின்றனர்.

தி.மு.க கூட்டணிக் கட்சியான எம்.ஜி.ஆர். கழகத்தின் சார்பில் அதன் தலைவர்ஆர்.எம்.வீரப்பன், பொதுச் செயலாளர் ஜெகத்ரட்சகன் ஆகியோர் வள்ளுவர்கோட்டத்தில் உள்ள அண்ணா சிலைக்கு மாலை அணிவிக்கின்றனர்.

ம.தி.மு.க. சார்பில் மயிலாப்பூரில் பொதுக்கூட்டத்திற்கு ஏற்பாடு செய்யப்பட்டுள்ளது.இதில் அக்கட்சியின் பொதுச் செயலாளர் வைகோ கலந்து கொண்டு பேசுகிறார்.

பல்வேறு கட்சித் தலைவர்களும் அண்ணா பிறந்த நாளையொட்டி வாழ்த்துத்தெரிவித்து அறிக்கை வெளியிட்டுள்ளனர்.