தலிபான் எதிர்ப்புப் படை தலைவர் மரணம்

காபூல்:

தலிபான் தீவிரவாதிகளை எதிர்த்துப் போரிட்டு வந்த ஆப்கானிஸ்தான் எதிர் கோஷ்டி ராணுவத் தலைவர் அகமத் ஷா மசூத்இறந்துவிட்டதாக செய்திகள் வந்துள்ளன.

இவரை தாலிபான் தீவிரவாதிகள் தான் டி.வி. நிருபர்கள் வேடத்தில் சென்று வெடிகுண்டு வைத்துத் தாக்கினர். இதில் பலத்தகாயமடைந்த மசூத் உடனடியாக அருகில் உள்ள தஜிக்கிஸ்தான் கொண்டு செல்லப்பட்டார். அங்கு அவருக்கு தீவிர சிகிச்சைஅளிக்கப்பட்டு வந்தது.

ஆனால், சிகிச்சை பலனின்றி அவர் இறந்துவிட்டாக ஆப்கான் இஸ்லாமிக் பிரஸ் செய்தி நிறுவனம் தெரிவித்துள்ளது.முன்னதாகவும் அவர் இறந்துவிட்டதாக சில செய்திகள் வந்தன. ஆனால், அதை அவரது சகோதரர் மறுத்தார். இப்போதுஅவரிடமிருந்து மறுப்பு ஏதும் வரவில்லை.

இந்திய ஆதரவாளர்:

அகமத் ஷா மசூத் இந்தியாவின் ஆதரவாளர். ஆப்கானிஸ்தான் தீவிரவாதிகளும் ஒசாமா பின் லேடனின் ஆட்களும் காஷ்மீரில்தாக்குதல்கள் நடத்தி வருவதை அவர் எதிர்த்து வந்தார்.

ஒசாமா மற்றும் தலிபான் ராணுவத்தை எதிர்த்து தொடர்ந்து போரிட்டு வந்தார். இப்போதும் ஆப்கானிஸ்தானின் ஒரு பகுதிஇவரது கட்டுப்பாட்டில் தான் உள்ளது.

இவருக்கு ரஷ்யா, இந்தியா, ஈரான், தஜிகிஸ்தான் ஆகிய நாடுகள் ஆதரவு அளித்து வந்தன.