அமெரிக்காவுக்கு உதவும் நாடுகளையும் தாக்குவோம்: தலிபான் மிரட்டல்

இஸ்லாமாபாத்:

ஆப்கானிஸ்தானைத் தாக்க எந்த நாடாவது அமெரிக்காவுக்கு உதவினால் அவர்களையும் தாக்குவோம் எனதலிபான் தீவிரவாத ராணுவம் அறிவித்துள்ளது.

இது குறித்து தலிபான் வெளியிட்டுள்ள அறிக்கையில்,

ஆப்கானிஸ்தான் மீது விமானத் தாக்குதல் நடத்த எந்த நாடு உதவினாலும் முஜாகிதீன்கள் (மதப் போர் வீரர்கள்)அந்த நாட்டுக்குள் நுழைவார்கள். கடும் தாக்குதல் நடத்துவார்கள்.

இதற்கு அந்தந்த நாடுகள் தான் பொறுப்பு என்று கூறப்பட்டுள்ளது.

அமெரிக்க விமானங்கள் தங்கள் நாடுகள் வழியாகப் பறக்கலாம் என பாகிஸ்தான் வேண்டாவெறுப்பாக அனுமதிகொடுத்துள்ள நிலையில் தாலிபான்கள் மிரட்டல் வந்துள்ளது.