சீனா செல்கிறார் முஷாரப்

இஸ்லாமாபாத்:

ஆப்கானிஸ்தானைத் தாக்க பாகிஸ்தானின் உதவியை அமெரிக்கா கேட்டு வரும் நிலையில் தனது நாட்டுக்குஏற்பட்டுள்ள பிரச்சனைகள் குறித்து விவாதிக்க சீனா, சவுதி அரேபியா ஆகிய நாடுகளுக்கு பாகிஸ்தான் அதிபர்பர்வேஸ் முஷாரப் செல்கிறார்.

பாகிஸ்தான், சவுதி அரேபியா, ஐக்கிய அரபு நாடுகள் (யு.எ.ஈ.) ஆகிய 3 நாடுகள் மட்டுமே தலிபான் அரசைஅங்கீகரித்துள்ளன. இதனால் சவுதி மற்றும் யு.எ.ஈ. ஆகிய நாடுகளுடன் பாகிஸ்தான் தொடர்ந்து ஆலோசனைநடத்தி வருகிறது.

இந் நிலையில் பாகிஸ்தானின் மிக நெருங்கிய நட்பு நாடான சீனாவுக்கு முஷாரப் சில தினங்களில் செல்வார் எனத்தெரிகிறது. இந்தியாவுக்கு எதிரான பாகிஸ்தானின் நடவடிக்கைகளுக்கு சீனாவின் மறைமுக ஆதரவு எப்போதும்இருந்து வருகிறது.

கார்கிலில் பாகிஸ்தான் ராணுவமும் ஆப்கானிஸ்தான் தீவிரவாதிகளும் ஊடுறுவியபோது அப்போது பாகிஸ்தான்ராணுவத் தளபதியாக இருந்த பர்வேஸ் முஷாரப் சீனாவில் தான் இருந்தார். அங்கிருந்தவண்ணம் தான் தனதுநாட்டுப் பிரதமர் நவாஸ் ஷெரீபுக்குக் கூடத் தெரியாமல் கார்கிலில் போர் நடத்த தனது நாட்டு ராணுவத்துக்குஆர்டர் போட்டுக் கொண்டிருந்தார் என்பது குறிப்பிடத்தக்கது.

இப்போது அமெரிக்காவின் நெருக்குதலில் சிக்கித் தவித்து வரும் முஷாரப் மீண்டும் சீனாவின் உதவிக்காக ஓடஇருக்கிறார்.