சென்னை மேயர் ரூ.5 லட்சம், பிற மேயர்கள் ரூ.2.50 லட்சம்
சென்னை:
சென்னை மாநகராட்சி மேயர் தேர்தலில் போட்டியிடும் வேட்பாளர்கள் ரூ.5 லட்சம் வரை செலவு செய்யலாம் என்றுதேர்தல் ஆணையம் நிர்ணயித்துள்ளது.
இதுதொடர்பாக தேர்தல் கமிஷன் நிர்ணயித்துள்ள செலவு விவரம் வருமாறு:
முதல் நிலைக்கு மேற்பட்ட நகராட்சித் தலைவர் தேர்தலில் தலா ரூ.1 லட்சம், பிற நகராட்சித் தலைவர்கள், மாவட்டபஞ்சாயத்து வார்டு உறுப்பினர்கள் தலா ரூ.50,000 வரை செலவு செய்யலாம்.
நகர பஞ்சாயத்துத் தலைவர், ஊராட்சி ஒன்றிய வார்டு உறுப்பினர்கள், மாநகராட்சி மன்ற உறுப்பினர்கள், முதல்நிலைக்கு மேற்பட்ட நகராட்சி மன்ற உறுப்பினர்கள் தலா ரூ.25,000 வரை செலவிடலாம்.
சென்னை அல்லாத இதர மாநகராட்சி மன்ற உறுப்பினர்கள் ரூ.15,000 வரையிலும், கிராமப் பஞ்சாயத்துத் தலைவர்,முதல் நிலைக்கு கீழே உள்ள நகராட்சி உறுப்பினர்கள் தலா ரூ.10,000 வரையிலும் செலவு செய்யலாம்.
சென்னை மாநகராட்சி மேயர் தேர்தலில் போட்டியிடும் வேட்பாளர் தலா ரூ.5 லட்சம் வரையிலும், பிற மாநகராட்சிமேயர் பதவிக்குப் போட்டியிடும் வேட்பாளர்கள் ரூ.2.50 லட்சம் வரையிலும் செலவிடலாம் என்று தேர்தல்ஆணையம் அறிவித்துள்ளது.