சென்னை: விமானத்திலிருந்து தவறி விழுந்தார் ஏர் ஹோஸ்டஸ்
சென்னை:
ஜெட் விமானத்தின் பணிப்பெண் (ஏர் ஹோஸ்டஸ்) விமானத்திலிருந்து தவறிவிழுந்ததால் விமானம் தாமதமாக கிளம்பிச் சென்றது. இந்த சம்பவம் காரணமாகஅங்கு பரபரப்பு ஏற்பட்டது.
சென்னையிலிருந்து மும்பைக்கு செல்லும், ஜெட் ஏர்வேசின் போயிங் 737 இன்று(ஞாயிற்றுக்கிழமை) காலை 9 மணிக்கு கிளம்ப தயாராக இருந்தது. இந்த விமானத்தின்பணிப்பெண் விமானத்தின் பின் கதவை மூட முயன்ற போது விமானத்திலிருந்து தவறிகீழே விழுந்தார்.
இதில் அவரது எலும்புகள் முறிந்தன. விமானப் பணிப் பெண் கீழே விழுவதைப் பார்த்தவிமானப் பயணிகள் கதவருகே ஓடி வந்தனர். தரைக் கட்டுப்பாட்டு ஊழியர்களும்விமானத்தை நோக்கி ஓடினர். ஆம்புலன்ஸ் விமானம் அருகே விரைந்தது.
இதையடுத்து விமான நிலையத்தில் பெரும் பரபரப்பு ஏற்பட்டது.
உடனடியாக அந்தப் பணிப் பெண் தனியார் மருத்துவமனையில்அனுமதிக்கப்பட்டுள்ளார்.
இச் சம்பவம் காரணமாக காலை 9 மணிக்கு கிளம்ப வேண்டிய விமானம் அரை மணிநேரம் தாமதமாக காலை 9.30 மணிக்கு கிளம்பி சென்றது.