ஆயுதங்களுடன் ஆப்கானுக்குள் நுழையும் பாக். பழங்குடியினர்

இஸ்லாமாபாத்:

தலிபான் படைகளுக்கு உதவுவதற்காக பாகிஸ்தானைச் சேர்ந்த 1,200க்கும் மேற்பட்டபழங்குடியினர் ஆப்கானிஸ்தானுக்குள் நுழைந்துள்ளனர்.

கடந்த மாதம் 7ம் தேதியிலிருந்து ஆப்கானிஸ்தான் மீது அமெரிக்கா தாக்குதல் நடத்திவருகிறது. அமெரிக்காவை எதிர்த்துப் போராட பாகிஸ்தானைச் சேர்ந்த பழங்குடியினர்அரிவாள், வாள்கள், கோடாலிகள், நாட்டுத் துப்பாக்கிகளுடன்ஆப்கானிஸ்தானுக்குள் நுழைய முயன்றனர்.

இவர்களை பாகிஸ்தான் அரசு தடுத்தது. இதையடுத்து பாகிஸதான்-சீனநெடுஞ்சாலையையும், எல்லையில் இருந்த பாகிஸ்தானின் விமானத் தளத்தையும்இந்தப் பழங்குடியினர் கைப்பற்றினர். அவர்களிடம் பேச்சு நடத்தி சாலையை மட்டும்அரசு மீட்டுள்ளது.

இந் நிலையில் இவர்களில் சுமார் 1,200 பேர் பாகிஸ்தான் ராணுவத்தையும் மீறிஆப்கானிஸ்தானுக்குள் புகுந்துவிட்டனர் என்று டெஹ்ரீக் நிஃபாஸ்-ஏ-ஷரியத் முகமதிஎன்ற மதவாதக் கட்சி கூறியுள்ளது.

இக் கட்சியின் செய்தித் தொடர்பாளர் ஃபைஜுல்லா பரூக் கூறுகையில், மாலிக் ஜான்முகமது தலைமையில் 1,200 பழங்குடியினர் தலிபான் படைக்கு உதவஆப்கானிஸ்தானுக்குள் சென்றுள்ளனர். இவர்கள் 50 வண்டிகளில் ஆயுதங்களுடன்இன்று (வெள்ளிக்கிழமை) நண்பகல் பாஜாவுரிலிருந்து புறப்பட்-டு சென்றனர்.

வியாழக்கிழமையும் ஆயிரம் பேர் ஆப்கானிஸ்தானுக்குள் சென்றுள்ளனர் என்றார்.