டிரைவர், கண்டக்டர்களுக்கு தீபாவளி போனஸ்: 6ம் தேதி பேச்சுவார்த்தை

சென்னை:

தமிழகப் போக்குவரத்துத்துறைத் தொழிலாளர்களுக்கு தீபாவளி போனஸ் வழங்குவது குறித்து நவம்பர் 6ம் தேதிசென்னையில் தொழிற்சங்கப் பிரதிநிதிகளுக்கும், தமிழக அரசுக்கும் இடையே பேச்சுவார்த்தை நடைபெறுகிறது.

தமிழகப் போக்குவரத்துத் துறையில் 1,05,000 தொழிலாளர்கள் வேலை செய்கின்றனர்.

இவர்களுக்குக் கடந்த ஆண்டு 8.33 சதவீதம் போனசாகவும், 11.66 சதவீதம் கருணைத் தொகையாகவும் மொத்தம்20 சதவீதம் வழங்கப்பட்டது.

இதன் மூலம் ஒவ்வொரு தொழிலாளியும் ரூ.6000 வரை போனசாகப் பெற்றனர்.

இந்த ஆண்டு இந்தத் தொகையை அதிகரிக்க வேண்டும் என்று போக்குவரத்துத் தொழிலாளர்கள் சங்கங்கள்கோரிக்கை விடுத்துள்ளன.

இதையடுத்து வரும் 6ம் தேதி தமிழக அரசு சார்பில் போக்குவரத்துத் துறை அமைச்சர் நயினார் நாகேந்திரன்,போக்குவரத்துறைச் செயலாளர் இளங்கோவன் மற்றும் அதிகாரிகள், தொழிற்சங்கப் பிரதிநிதிகளுடன்பேச்சுவார்த்தை நடத்துகிறார்கள்.

இந்தப் பேச்சுவார்த்தையில் சி.ஐ.டி.யு., ஐ.என்.டி.யு.சி., அண்ணா தொழிலாளர் சங்கம், திராவிடத் தொழிலாளர்சங்கம் உள்ளிட்ட அனைத்துத் தொழிற்சங்கங்களும் கலந்துகொள்கின்றன.

இந்தப் பேச்சுவார்த்தை சென்னையில் உள்ள பல்லவன் அரங்கத்தில் வரும் 6ம் தேதி நடைபெறுகிறது.