அமெரிக்க தாக்குதலில் காஷ்மீர் தீவிரவாதிகள் தொடர்பு?

டெல்லி:

ஆப்கானிஸ்தானில் காஷ்மீர் தீவிரவாதிகளான ஹர்கத்-உல்-முஜாகிதீன்களின் மீது அமெரிக்க விமானங்கள்தாக்குதல் நடத்தியிருப்பதால், அவர்களுக்கும் செப்டம்பர் 11ல் அமெரிக்காவில் நடத்தப்பட்ட தாக்குதலுக்கும்தொடர்பு இருப்பது தெளிவாகிறது என்று ஜெர்மன் பத்திரிக்கை ஒன்று கூறியுள்ளது.

இதன் மூலம் ஆப்கானிஸ்தானிலிருந்து பாகிஸ்தானுக்கு இடம் பெயர்ந்த முஜாகிதீன்கள், அங்கிருந்துகாஷ்மீருக்குள் ஊடுருவி தீவிரவாதச் செயல்களில் ஈடுபட்டிருப்பதும் தெரிய வருகிறது என்றும் அந்தப்பத்திரிக்கையில் கூறப்பட்டுள்ளது.

செப்டம்பர் 11ம் தேதி நியூயார்க்கின் உலக வர்த்தக மையத்தைத் தாக்கிய சர்வதேச தீவிரவாதிகளுக்கும் காஷ்மீர்தீவிரவாதிகளுக்கும் தொடர்பு இருக்கிறது என்று ஏற்கனவே இந்தியா கூறி வந்தது.

தற்போது ஜெர்மன் பத்திரிக்கையில் வெளியான செய்தி இதை உறுதிப்படுத்துவதாகவே அமைந்துள்ளது.