கிரிக்கெட்: தாஸ் குப்தாவுக்கு முதல் டெஸ்ட் செஞ்சுரி

மொஹாலி:

இங்கிலாந்துக்கு எதிராக மொஹாலியில் நேற்று (திங்கள்கிழமை) துவங்கிய முதலாவது டெஸ்ட் போட்டியில், தாஸ்குப்தா அடித்த அபார செஞ்சுரி மூலம் இந்திய அணி ஓரளவு கவுரமிக்க ஸ்கோரை நோக்கி சென்றுகொண்டிருக்கிறது.

ஒரு விக்கெட் இழப்புக்கு 24 ரன்கள் என்ற தன் முதல் இன்னிங்ஸ் ஸ்கோருடன் இன்று காலை இரண்டாவது நாள்ஆட்டத்தை ஆரம்பித்தது இந்திய அணி.

தாஸ் குப்தாவும் அனில் கும்ப்ளேவும் சளைக்காமல் பந்துகளை அடித்து விளாச ஆரம்பித்தனர். இதனால் இந்தியஅணியின் ஸ்கோர் மளமளவென்று உயர ஆரம்பித்தது.

ஆனால் 35வது ஓவரின் கடைசிப் பந்தில் இங்கிலாந்தின் டாவ்சனின் பந்தை போஸ்டரிடம் கேட்ச் கொடுத்து அவுட்ஆனார் கும்ப்ளே (37 ரன்கள்). இவர் 6 பவுண்டரிகளையும் அடித்தார்.

இதையடுத்து ராகுல் டிராவிட் களமிறங்கினார். டிராவிட்டும் தாஸ் குப்தாவும் பொறுப்புடனும் பொறுமையுடனும்விளையாடி கொஞ்சம் கொஞ்சமாக இந்திய அணியின் ஸ்கோரை உயர்த்தினர்.

இந்திய அணியின் ஸ்கோரை உயர்த்தியதோடு மட்டுமல்லாமல், தன்னுடைய முதலாவது டெஸ்ட் செஞ்சுரியையும்தாஸ் குப்தா இன்று எடுத்தார்.

ரசிகர்களின் பலத்த கரகோஷங்களுக்கிடையே 100 ரன்களை எட்டிய தாஸ் குப்தா, அந்தப் பதட்டத்திலேயேஒயிட்டின் பந்து வீச்சில் கிளீன் போல்டாகி பெவிலியன் திரும்பினார். அப்போது இந்திய அணியின் ஸ்கோர் 82.3ஓவரில் 212ஆக இருந்தது.

இதுதான் தாஸ் குப்தாவின் முதல் செஞ்சுரி என்பது குறிப்பிடத்தக்கது. 254 பந்துகளைச் சந்தித்த அவர் 15பவுண்டரிகளையும் அடித்தார்.

பின்னர் வந்தார் இந்தியாவின் நம்பிக்கை நட்சத்திரம் சச்சின் டெண்டுல்கர். இவர் வந்தவுடன் இந்திய அணியின்ஸ்கோர் முன்பை விட மளமளவென்று ஏறத் தொடங்கியது.

ஆனால் முழு வீச்சில் டிராவிடும் டெண்டுல்கரும் விளையாட ஆரம்பிக்கும் முன்னரே, இந்திய அணியின் 262ரன்கள் என்ற ஸ்கோருடன் இன்றைய இரண்டாவது நாள் ஆட்டம் முடிவுக்கு வந்தது.

ஆட்ட நேர இறுதியில் டெண்டுல்கள் 53 பந்துகளைச் சந்தித்து ஐந்து பவுண்டரிகளுடன் 31 ரன்களைஎடுத்திருந்தார். டிராவிடோ 194 பந்துகளில் 78 ரன்களைக் குவித்திருந்தார். அவருடைய எண்ணிக்கையில் 11பவுண்டரிகளும் அடக்கம்.

2வது நாள் இறுதி ஸ்கோர் விவரம்:

முதல் இன்னிங்ஸ்

இங்கிலாந்து - 238/10 (76.3 ஓவர்கள்)

இந்தியா - 262/3 (101 ஓவர்கள்)