ஆண்டிப்பட்டியில் ஜெயாவை எதிர்த்து பொது வேட்பாளர்: திமுக ஆதரவு

சென்னை:

ஆண்டிப்பட்டியில் போட்டியிட உள்ள ஜெயலலிதாவை எதிர்த்து அனைத்துக் கட்சிகளும் சேர்ந்து பொதுவேட்பாளரை நிறுத்த கருணாநிதி ஆதரவு தெரிவித்துள்ளார்.

இதற்கான யோசனையை பாட்டாளி மக்கள் கட்சி நிறுவனர் ராமதாஸ் தெரிவித்திருந்தார். இதற்கு அனைத்துக்கட்சிகளும் ஆதரவு தெரிவிக்க வேண்டும் என கோரியிருந்தார்.

ராமதாசின் இந்த யோசனைக்கு கருணாநிதி ஆதரவு தெரிவித்துள்ளார். இது குறித்து ஆலோசிக்கத் தயாராகஇருப்பதாகவும் அறிவித்துள்ளார்.

டான்சி, பிளசண்ட் ஸ்டே வழக்குகளில் இருந்து விடுதலையாகியுள்ள ஜெயலலிதா ஆண்டிப்பட்டி இடைத்தேர்தலில் போட்டியிட்டு வென்று முதல்வர் பதவியேற்கத் திட்டமிட்டுள்ளார். இவருக்காக தங்கத் தமிழ்ச் செல்வன்தனது எம்.எல்.ஏ. பதவியை ராஜினாமா செய்துள்ளார்.

இத் தொகுதிக்கு வரும் பிப்ரவரி கடைசி வாரத்தில் இடைத் தேர்தல் நடத்தப்படும் எனத் தெரிகிறது.