சென்னை மாநகராட்சி: வரியில்லா பட்ஜெட் தாக்கல்

சென்னை:

சென்னையில் 60 கி.மீ. தூரத்துக்கு புதிய சாலைகள் அமைக்கப்படும் என மாநகராட்சி பட்ஜெட்டில்கூறப்பட்டுள்ளது. ஆனால், பட்ஜெட்டில் புதிய வரிகள் ஏதும் விதிக்கப்படவில்லை.

சென்னை மாநகராட்சி பட்ஜெட்டை ஆணையர் பொறுப்பு வகிக்கும் கார்த்திக் மேயர் ஸ்டாலினிடம் ஒப்படைத்தார்.பின்னர் அதை ஸ்டாலின் படித்தார்.

அதில் கூறப்பட்டுள்ள முக்கிய அம்சங்கள்:

போக்குவரத்தை மேம்படுத்த ரூ. 1 கோடி செலவில் திட்டங்கள் மேற்கொள்ளப்படும். நகரின் கழிவுநீரைவெளியேற்ற ரூ.2.5 கோடி செலவில் புதிய திட்டங்கள் அமலாக்கப்படும்.

சாலைகள் மேம்பாட்டுக்காக ரூ. 75 லட்சம் ஒதுக்கப்பட்டுள்ளது. புதிதாகப் பாலங்கள் கட்ட ரூ. 7 கோடியும், நகரின்பராமரிப்புப் பணிகளுக்காக ரூ. 50 லட்சமும், தெருக்களில் புதிய மின் விளக்குகள் அமைக்க ரூ. 5 லட்சமும்செலவிடப்படும்.

மாநகராட்சிப் பள்ளிகளில் மாணவ, மாணவிகளின் சுகாதாரத்துக்கு முக்கியத்துவம் தரப்படும்.

இந்த ஆண்டில் 5 ஆரம்பப் பள்ளிகள் உயர் இடை நிலைப் பள்ளிகளாகவும், 6 இடை நிலைப் பள்ளிகள் உயர்நிலைப் பள்ளிகளாகவும் மேம்படுத்தப்படும்.

மாநராட்சிப் பள்ளி ஆசிரியர்களுக்கு கம்யூட்டர் பயிற்சி அளிக்கப்படும்.