பிரிட்டிஷ் போர் பயிற்சி விமானங்கள் வாங்குகிறது இந்தியா

லண்டன்:

பிரிட்டனிடம் இருந்து 66 ஹாக் ரக போர் பயிற்சி விமானங்களை வாங்க இந்தியா முடிவு செய்துள்ளது.

இது குறித்து ஜேன்ஸ் டிபென்ஸ் வீக்லி எனம் பாதுகாப்புத்துறை தொடர்பான பத்திரிக்கை வெளியிட்டுள்ள செய்தி:

இந்த போர் விமானங்களை பி.ஏ.இ. சிஸ்டம் என்ற நிறுவனம் இந்தியாவுக்கு வழங்கவுள்ளது.

இந்த 66 போர் விமானங்களின் மதிப்பு 1 பில்லியன் பவுண்டுகளாகும். வரும் மார்ச் மாதம் 31ம் தேதிக்குள் இதுதொடர்பான ஒப்பந்தம் கையெழுத்தாகவுள்ளது.

பிரிட்டனின் வெளியுறவு அமைச்சர் ஜேக் ஸ்ட்ரா கடந்த பிப்ரவரி மாதம் இந்தியா வந்திருந்தபோதே இந்தஒப்பந்தத்தில் கையெழுத்திடுவதாக இருந்தார். இந்தியா-பாகிஸ்தான் இடையே பதற்றம் நிலவி வந்தாலும் கூடஇந்த விமானங்களை இந்தியாவுக்குத் தர இங்கிலாந்து முன்வந்துள்ளது குறிப்பிடத்தக்கது.

இந்தியா விமானப் படை பைலட்களுக்கு பயிற்றி அளிக்கவும் பிரிட்டன் முன் வந்துள்ளது. எம்பையர் டெஸ்ட்பெசிலிட்டி என்ற பயிற்சி மையத்தில் இந்தப் பயிற்சி அளிக்கப்படும். முன்பு இந்தோனேஷியாவுக்குவழங்கப்பட்டிருந்த ஹாக் பயிற்சி விமானங்கள் இப்போது பிரிட்டனிடம் திரும்பி வந்துவிட்டன. இந்தவிமானங்களை மேம்படுத்தி இந்தியாவுக்குத் தரவும் பிரிட்டன் திட்டமிட்டுள்ளது.