ராஜ்யசபா தேர்தல் திமுக வேட்பாளர் அறிவிப்பு

சென்னை:

வரும் 27ம் தேதி நடைபெறவுள்ள ராஜ்யசபா தேர்தலில் திமுக சார்பில் வழக்கறிஞர் சண்முகசுந்தரம்போட்டியிடுவார் என்று அக்கட்சித் தலைவர் கருணாநிதி தெரிவித்துள்ளார்.

திமுக வேட்பாளருக்கு ஆதரவு தருவதாக பாரதீய ஜனதாக் கட்சி தெரிவித்துள்ளது. இதையடுத்து திமுக எளிதில்வெற்றி பெறும் என்று எதிர்பார்க்கப்படுகிறது.

திமுக வேட்பாளரான சண்முகசுந்தரம், கடந்த திமுக ஆட்சியின் போது அரசு வழக்கறிஞராக இருந்தார். அதற்குமுன் கடந்த 1995ல் டான்சி வழக்கு தொடர்பான ஆவணங்களைச் சேகரித்தபோது அவர் அதிமுக தொண்டர்களால்தாக்கப்பட்டவர் என்பது குறிப்பிடத்தக்கது.

தமிழ் மாநில காங்கிரஸ் சார்பில் அக்கட்சித் தலைவர் ஜி.கே.வாசன் போட்டியிடுவார் என்று ஏற்கனவேஅறிவிக்கப்பட்டுள்ளது. தற்போது அதிமுக வேட்பாளர்களின் பெயர்கள் மட்டுமே அறிவிக்கப்பட வேண்டும்.