ஆப்கான் ராணுவத்தினருக்கு அமெரிக்கா பயிற்சி

வாஷிங்டன்:

ஆப்கானிஸ்தானில் புதிதாக அமைக்கப்பட்டுள்ள ராணுவத்திற்கு அமெரிக்க ராணுவம் இன்னும் சில வாரங்களில்பயிற்சி அளிக்க உள்ளது.

இது குறித்து அமெரிக்க பாதுகாப்புத்துறை அமைச்சர் டொனால்ட் ரம்ஸ்பெல்டு கூறியதாவது:

இந்த பயிற்சி முகாம் இன்னும் 4 அல்லது 6 வாரங்களில் தொடங்கும். ஆப்கானிஸ்தானின் புதிய ராணுவத்தினருக்குசுமார் 150 அமெரிக்க ராணுவ வீரர்கள் பயிற்சி அளிக்கவுள்ளனர்.

சுமார் 10 வார காலம் நடக்கவிருக்கும் இந்தப் பயிற்சி முகாமில் ஆரம்பக்கட்ட பயிற்சியிலிருந்து ஸ்குவாட்,பிளாட்டூன், கம்பெனி, பட்டாலியன் வீரர்களுக்கான பயிற்சி வரை ஆப்கானிஸ்தான் ராணுவ வீரர்களுக்குஅளிக்கப்படும் என்று ரம்ஸ்பெல்டு கூறினார்.

கடந்த மாதம் அமெரிக்க கமாண்டர் தலைவர் ஜென் டாமி பிராங்க் ஆப்கானிஸ்தான் சென்றபோது, அந்நாட்டின்இடைக்கால அரசுடன் இந்தப் பயிற்சி முகாம் குறித்து பேசியதாக தெரிகிறது.