சென்னை மாநகராட்சி நிலைக்குழு தேர்தல்: எதிர்க் கட்சிகள் புறக்கணிப்பு

சென்னை:

சென்னை மாநகராட்சியின் நிலைக்குழுத் தலைவர் தேர்தலில் அதிமுக மற்றும் தமிழ் மாநில காங்கிரஸ் கட்சியைச்சேர்ந்தவர்கள் போட்டியின்றித் தேர்வு செய்யப்பட்டனர்.

மாநகராட்சியில் மொத்தம் 6 நிலைக் குழுக்கள் உள்ளன. இவற்றிற்கான தலைவர் பதவிக்கு அதிமுக மற்றும் தமாகாகட்சிகளைச் சேர்ந்தவர்கள் கூட்டணி அமைத்துப் போட்டியிட்டனர்.

ஆனால் திமுக உள்ளிட்ட மற்ற எதிர்க்கட்சிகள் இந்த நிலைக்குழுத் தேர்தலைப் புறக்கணித்தன.

இதையடுத்து அதிமுக மற்றும் தமாகா வேட்பாளர்களே போட்டியின்றித் தேர்வு செய்யப்பட்டனர். அதிமுக தரப்பில்4 தலைவர்களும், தமாகா தரப்பில் 2 பேரும் தேர்வு செய்யப்பட்டனர்.

தேர்தலின்போது துணை மேயரான "கராத்தே" தியாகராஜன் உடன் இருந்தார்.