கலாமுக்கு முஷாரப் வாழ்த்து

இஸ்லாமாபாத்:

இந்தியாவின் 12வது ஜனாதிபதியாகத் தேர்ந்தெடுக்கப்பட்டுள்ள அணு விஞ்ஞானி "பாரத ரத்னா" டாக்டர் அப்துல்கலாமுக்கு பாகிஸ்தான் ராணுவ ஆட்சியாளரான பர்வேஸ் முஷாரப் வாழ்த்து தெரிவித்துள்ளார்.

முஷாரப் தன்னுடைய வாழ்த்துச் செய்தியில் கூறியுள்ளதாவது:

இந்தியாவுக்கும் பாகிஸ்தானுக்கும் இடையே பதற்றத்தைத் தணிக்க கலாமுடன் சேர்ந்து நன்றாகப் பணியாற்றமுடியும் என்று நான் நம்புகிறேன்.

மேலும் இரு நாடுகளுக்கும் இடையே சுமூகமான நிலை ஏற்படுவதற்குத் தடையாக இருக்கும் பிரச்சனைகளைத்தீர்க்கவும் கலாம் உதவுவார் என்ற நம்பிக்கை எனக்கு உள்ளது என்று கூறியுள்ளார் முஷாரப்.

பாகிஸ்தான் டெலிவிஷன் நேற்று இந்த வாழ்த்துச் செய்தியை வெளியிட்டது.