தமிழக மீனவர்களுக்காக விரைவில் 3 புதிய கலங்கரை விளக்கங்கள்

சென்னை:

தமிழக மீனவர்களின் வசதிக்காக புதிதாக 3 கலங்கரை விளக்கங்களை அமைக்க தமிழக கலங்கரை விளக்கஇயக்குநரகம் முடிவு செய்துள்ளது.

இரவு நேரங்களில் வழி தெரியாமல் சில சமயம் தமிழக மீனவர்கள் பாதை தவறி சென்று விடுகின்றனர்.

இதனால் ராமேஸ்வரம் பகுதி மீனவர்கள் இலங்கை கடற்படையினரிடமும் சென்னை மீனவர்கள் ஆந்திரக்கொள்ளையர்களிடமும் மாட்டிக் கொள்கின்றனர்.

இதனால் பல்வேறு குழப்பங்களும் சிக்கல்களும் ஏற்படுகின்றன. இவற்றைத் தவிர்ப்பதற்காக மூன்று இடங்களில்கலங்கரை விளக்கங்களை வைக்க தமிழக கலங்கரை விளக்க இயக்குநரகம் திட்டமிட்டுள்ளது.

தமிழகத்தின் தனுஷ்கோடி, பாசிப்பட்டனம், மணமேல்குடி ஆகிய இடங்களில் தான் புதிதாக கலங்கரைவிளக்கங்கள் அமைக்கப்படவுள்ளன.