பாரதிராஜாவுக்கு ராமதாஸ் முழு ஆதரவு

சென்னை:

நெய்வேலியை முற்றுகையிட்டுப் போராட்டம் நடத்தும் தமிழ்த் திரையுலகினரின் திட்டத்துக்கு பாட்டாளி மக்கள் கட்சியின்நிறுவனர் டாக்டர் ராமதாஸ் ஆதரவு தெரிவித்துள்ளார்.

அவர் இன்று வெளியிட்டுள்ள அறிக்கையில், பாரதிராஜா அவர்களின் முயற்சியால் எடுக்கப்பட்ட இந்த முடிவு இருண்டு கிடக்கும்மக்களின் நம்பிக்கைக்கு கிடைத்த ஒளிக் கீற்று.

எங்கே சினிமாகாரர்கள் நம்மை ஒதுக்கிவிட்டார்களோ, நம்மை கைவிட்டுவிட்டார்களோ என்று சந்தேகத்துக்கு மக்கள்தள்ளப்பட்டிருந்தனர். ஆனால், தமிழ்த் திரையுலகினர் ஒன்று கூடி ஒரு நல்ல முடிவை எடுத்துள்ளது மகிழ்ச்சியளிக்கிறது.

அவர்களுக்கு பா.ம.கா. முழு ஆதரவு தரும். 12ம் தேதி நடக்கும் போராட்டத்தில் பா.ம.கவும் பங்கேற்கும் என்று ராமதாஸ்கூறியுள்ளார்.

நெய்வேலி பகுதி வன்னியர் மிகுந்த பகுதி என்பது குறிப்பிடத்தக்கது. பா.ம.கவின் ஆதரவு இந்தப் போராட்டத்ததை நிச்சயம்வலுப்படுத்தும்.