12ம் தேதி தியேட்டர்கள் மூடல், தமிழ் சேனல்கள் இயங்காது

சென்னை:

12ம் தேதி நெய்வேலியில் கர்நாடகத்துக்கு மின்சாரம் தருவதை எதிர்த்து தமிழக திரையுலகினர் நடத்த உள்ள போராட்டத்தைஒட்டி அன்றைய தினம் தமிழகம் முழுவதும் தியேட்டர்களை மூடவும் முடிவு செய்யப்பட்டுள்ளது.

இயக்குனர் இமயம் பாரதிராஜா தலைமையில் நடந்த கூட்டத்தில் இந்த முடிவு எடுக்கப்பட்டது. மேலும் அன்றைய தினம் தமிழகத்தொலைக் காட்சிகளும் தங்களது ஒளிபரப்பை நிறுத்த வேண்டும் என்று கோரிக்கை விடுக்கப்பட்டுள்ளது. இதற்கு ஆதரவுதருவதாக முக்கிய தொலைக்காட்சிகள் கூறிவிட்டதாகத் தெரிகிறது.

மேலும் 12ம் தேதி அனைத்து படப்பிடிப்புகளை ரத்து செய்ய படத் தயாரிப்பாளர்கள் முடிவு செய்துள்ளனர்.

கி.வீரமணி ஆதரவு:

இதற்கிடையே பாரதிராஜா தலைமையில் தமிழ் திரையுலகினர் நடத்தும் போராட்டத்துக்கு திராவிடர் கழகத் தலைவர் வீரமணிஆதரவு தெரிவித்துள்ளார்.

அவர் இன்று வெளியிட்டுள்ள அறிக்கையில், தமிழக திரையுலகம் தேவையான நேரத்தில் சரியான நடவடிக்கையைஎடுத்துள்ளது. அவர்களுக்கு திராவிடர் கழகம் முழு ஆதரவு அளிக்கும், தோளோடு தோள் நிற்கும் என்று கூறியுள்ளார்.