நாளை சன் டிவியில் "எஜமான்"

சென்னை:

விஜயகாந்த், பாரதிராஜா தலைமையில் நெய்வேலியில் மாபெரும் போராட்டம் நடைபெறும் தினமான நாளை சன்டிவியில் நடிகர் ரஜினிகாந்த் நடித்த "எஜமான்" படம் ஒளிபரப்பாகவுள்ளது.

காவிரிப் பிரச்சினை தொடர்பாக கலையுலகினர் நடத்தவுள்ள போராட்டத்திற்கு ஆரம்பத்தில் இருந்தே முழுமனதோடு ஆதரவு தரவில்லை திமுக. காரணம், பாரதிராஜாவுக்கு அதிமுகவின் ஆதரவு இருப்பதாக அது கருதுவதுதான்.

இந்நிலையில் ரஜினிகாந்த் தனி ஆவர்த்தனம் செய்ய ஆரம்பிக்கவே, அவருக்குப் பின்னால் போய் விட்டது திமுக.இப்போது ரஜினி தனியாக உண்ணாவிரதம் இருக்கிறார்.

இதற்கிடையே நெய்வேலி போராட்டம் நடைபெறும் தினமான நாளை மாலை ரஜினி நடித்த எஜமான் என்றபடத்தை ஒளிபரப்புகிறது திமுக ஆதரவு டிவியான சன் டி.வி.

இந்தப் படத்தில் ரஜினியை பெரிய ஆளாக சித்தரிக்கும் வசனங்கள் அதிகம் இடம் பெற்றுள்ளன என்பதுகுறிப்பிடத்தக்கது.