மத மாற்றத் தடை சட்டத்துக்கு ஜனா ஆதரவு

சென்னை:

சலுகைகளைக் காட்டி செய்யப்படும் மத மாற்றத்தைத் தடை செய்து தமிழக அரசு கொண்டு வந்துள்ள சட்டத்துக்கு மத்திய சட்டஅமைச்சர் ஜனா. கிருஷ்ணமூர்த்தி ஆதரவு தெரிவித்துள்ளார்.

சென்னையில் விமான நிலையத்தில் நிருபர்களிடம் பேசிய அவர்,

இச் சட்டம் மிக அவசியமானது. இச் சட்டத்தில் உள்ள குறைபாடுகளை சட்டசபையில் விவாதித்து நீக்கிவிட முடியும். சிலசிறுபான்மை அமைப்புகள் இதை எதிர்ப்பதால் சட்டத்தை கொண்டு வராமல் இருக்க முடியாது.

காவிரி விஷயத்தில் உச்ச நீதிமன்ற உத்தரவை கர்நாடகம் மதிக்க வேண்டும்.

சென்னையில் ரஜினி நடத்தும் உண்ணாவிரதம் தனிப்பட்ட முறையில் அவரால் நடத்தப்படுவது. இதற்கு மத்திய அரசு ஆதரவுஎதையும் தராது என்றார் ஜனா.