அதிருப்தி தமாகா எம்.எல்.ஏக்களின் கதி என்ன?

சென்னை:

தமிழ் மாநில காங்கிரஸ் கட்சியின் அங்கீகாரத்தை மத்திய தேர்தல் கமிஷன் ரத்து செய்துள்ள நிலையில், குமாரதாஸ்உள்ளிட்ட 5 எம்.எல்.ஏக்களை எக்கட்சியையும் சேராதவர்கள் என்று அறிவிக்க வேண்டும் என சட்டசபைகாங்கிரஸ் தலைவர் எஸ்.ஆர். பாலசுப்ரமணியம் கோரிக்கை விடுத்துள்ளார்.

இதுதொடர்பாக சட்டசபை செயலாளர் ஜானகிராமனிடம் அவர் மனு கொடுத்துள்ளார். அம்மனுவில்,

தமாகாவின் பெயர், கொடி, சின்னம் போன்றவற்றை தேர்தல் கமிஷன் ரத்து செய்து விட்டது.

இதையடுத்து தமாகாவின் பெயரில் இயங்கி வரும் குமாரதாஸ், ஹக்கீம், மணி நாடார் உள்ளிட்ட 5எம்.எல்.ஏக்களையும் எக்கட்சியையும் சாராதவர்கள் என்று அறிவிக்க வேண்டும் என்று அவர் கோரியுள்ளார்.

இதுகுறித்து ஜானகிராமன் கூறுகையில், சபாநாயகர் காளிமுத்துவுடன் பேசி இதுகுறித்து இறுதி முடிவு எடுக்கப்படும்என்றார்.