மேட்டூர் அணை நீர்மட்டம் மீண்டும் கவலைக்கிடம்

சேலம்:

மேட்டூர் அணையின் நீர்மட்டம் மீண்டும் மளமளவென்று குறைந்து விட்டது.

காவிரி டெல்டா பகுதியில் பெய்து வந்த மழை தற்போது குறைந்து விட்டதால் அணைக்கு வரும் நீரின் அளவுகுறைந்து விட்டது.

அணைக்கு தற்போது விநாடிக்கு 3,759 கன அடி நீரே வந்து கொண்டுள்ளது. அணையிலிருந்து விநாடிக்கு 1,317கன அடி நீர் மட்டுமே வெளியேற்றப்பட்டுக் கொண்டுள்ளது.

மழை குறைந்து விட்டதாலும், கர்நாடகம் தண்ணீர் திறந்து விடுவதை தாமதிப்பதாலும் இந்த நிலை ஏற்பட்டுள்ளதாகபொதுப்பணித்துறை அதிகாரிகள் தெரிவித்துள்ளனர்.

அணையின் நீர்மட்டம் வெறும் 40.75 அடிதான் உள்ளது. மொத்த கொள்ளளவு 120 அடி என்பதுகுறிப்பிடத்தக்கது.